Նախկինների սրտի օլիգարխ Սամվել Ալեքսանյանը դարձել է այսօրվա իշխանության սրտի օլիգարխը․ Մանուկ Սուքիասյան (տեսանյութ)

«Չզեկուցվող հարցերի անվան տակ տարբեր որոշման նախագծեր են անցկացվում»,-այս մասին Երևանի ավագանու նիստի ժամանակ հայտարարել է «Մայր Հայաստան» խմբակցության ղեկավարՄանուկ Սուքիասյանը։

Նա ընդգծել է, որ երևանցին տեղյակ չի լինում, թե ում ինչ արտոնություն կամ շինթույլտվություն տրվեց։

«Դեռևս ընդդիմադիր եղաշ ժամանակ Նիկոլ Փաշինյանը հայտարարում էր, որ Հարավ-արևմտյան թաղամասը պետք է ազատագրել Ալեքսանյան Սամվելի Օսվենցիմից, բայց կառավարության նիստով Ալեքսանյանի կնոջը տալիս են ներկրման արտոնություն, քաղաքապետարանում չզեկուցվող հարցով տալիս են հերթական շինթույլտվությունը, նախանցած նիստին՝ նույնպես շինթույլտվություն։ Փաստորեն, նՆախկինների սրտի օլիգարխ Սամվել Ալեքսանյանը դարձել է այսօրվա իշխանության սրտի օլիգարխը»,-նշել է Մանուկ Սուքիասյանը։

Նա նաև հավելել է, որ հանրային տրանսպորտի սակագնի հարցի վերաբերյալ «Մայր Հայաստանի» նախագիծը կամայականորեն այդպես էլ չի ընդգրկվում օրակարգում։