Ունենք անշրջելի սպառնալիքներ Նոյեմբերյանից մինչև Մեղրի. Խոսրով Հարությունյան (տեսանյութ)

Քաղաքական, պետական գործիչ Խոսրով Հարությունյանը «5-րդ ալիքի» «Օրագիր» ծրագրին տված հարցազրույցում նշում է, որ Տավուշի պաշտպանական գիծը հանձնելու արդյունքում այլեւս ունենք ռեալ, անշրջելի ու կործանարար սպառնալիքներ Նոյեմբերյանից մինչեւ Մեղրի:
Հարցազրույցի հիմնական թեզերը.
Չի բացառվում՝ ամիսներ անց ունենանք հայաթափված Սյունիք. Իրանի ԱԳ նախարարի պաշտոնակատարը այլեւս խոսում է նաեւ ժողովրդագրական շարժերի անթույլատրելիության մասին, սա ցուցիչ է:
Սա ծրագիր է, Արեւմուտքը կույսի կեցվածքով է վերաբերվում այս ամենին:
Այլեւս խոսում են Հայաստանի դեմ պատերազմի մասին, ի՞նչ խաղաղության օրակարգ:
Օ՛Բրայենը շատ պարզ ասում է, նա չի թաքցնում ոչինչ:
Գալուզինը ճիշտ է ասում, բայց ես հարցեր ունեմ նրան:
Հունիսի 12-ը մահափորձ էր հայ ժողովրդի դեմ:
Պատահական չէր, որ հունիսի 12-ին Փաշինյանը խոսեց Լուկաշենկոյից, դա մեսիջ էր ԱՄՆ-ին:
2008 թվականի մարտի 1-ը հակաԱրցախ էր, անտիԱրցախն էր:
Երբեւէ հանրությունը այսչափ կոնսոլիդացված չի եղել ընդդիմադիր շարժման լիդերի շուրջ:
Ժամանակն է բարոյախրատական խոսքից անցում կատարել քաղաքական խոսքի՝ տալ քաղաքական օրակարգը:
Բագրատ Սրբազա՛ն, գնացեք, հանդիպեք դեսպանների հետ, հարթակից այլեւս քաղաքական կոնտենտ պետք է հնչի:
Ադրբեջանը Նախիջեւանին միացնելու ուղու հարցը ծագել է ի հակակշիռ Լաչինի միջանցքի պահանջի, բայց այսօր Լաչինի միջանցքը զրոյացված է:
Մանրամասն՝ տեսանյութում: