35 երթուղու ավտոբուսի վարորդը կիթառով հարվածել է ուղևորին

Հունիսի 14-ին արտառոց դեպք է տեղի ունեցել Երևանում. Ժամը 20։10-ի սահմաններում ՀՀ Ներքին գործերի նախարարության ոստիկանության Մալաթիայի բաժին են զանգահարել «Աստղիկ» բժշկական կենտրոնից և հաղորդում է, որ «ԳՈւՎ»  (գանգուղեղային վնասվածք) ախտորոշմամբ իրենց մոտ բուժօգնության է տեղափոխվել Երևանի բնակիչ 45-ամյա Արծրուն Ա․-ն: Այս մասին հաղորդում է Shamshyan.com-ը:

Նա հայտնել է, որ վնասվածքը ստացել է Րաֆֆու փողոցում 35 երթուղու ավտոբուսի վարորդի կողմից կիթառով գլխին հարվածելու հետևանքով և, հրաժարվելով բուժօգնությունից, հեռացել է:

Դեպքի փաստով ոստիկանութան Մալաթիայի բաժնում փաստաթղթեր են ձևակերպվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Մալաթիայի քննչական բաժին։
--
Մնում է միայն սպասել, թե հաջորդ միջադեպի ժամանակ ի՞նչ երաժշտական գործիք է օգիագործվելու՝ տրամբո՞ն, ջութա՞կ, կլավեսի՞ն, երգեհո՞ն, թե՞ հոբոյ:  
Ֆոտո-կոլաժը՝ Zham.am-ի: