Փաշինյանը պատրաստվում է հանձնել Զանգեզուրը Ադրբեջանին, ապա դրա մեջ մեղադրել Ռուսաստանին, իսկ ընդդիմությունն զբաղված է քաղաքական իմիտացիաներով

Նիկոլ Փաշինյանը երեկ հայտարարեց, թե նույնիսկ հնարավոր է հանրաքվե անցկացվի՝ Ադրբեջանի հետ տարածքների փոխանակման համար: Ոչ ոք չհարցրեց իրեն, թե ինչ տարածքների մասին է խոսքը: Երեկվա ընդդիմության հանրահավաքում էլ դրա մասին գրեթե ոչ մի խոսք չհնչեց: Տպավորությունն այնպիսին էր, որ ընդդիմությունն արդեն մոռացել էր տարածքների մասին և իր խոսքի մեծ մասը նվիրել էր իշխանության հետ հարաբերությունների խնդրին:

Ուշադրություն դարձնենք այն բանի վրա, որ Փաշինյանը պատրաստվում է ամերիկացիների հետ կնքել, այսպես կոչված   «ռազմավարական համագործակցության»   համաձայնագիր, որի արդյունքում Հայաստանն ու ԱՄՆ-ն իրար հետ գրեթե ռազմական դաշինքով են կապվելու: Մոսկվան արդեն հայտարարել է, որ դրանից հետո կխզի Հայաստանի հետ անվտանգային հարաբերությունները և հայ ժողովուրդը կզգա, որ ամերիկացիները իրենց ոչ թե իրական, այլ «թղթե» անվտանգային հովանոց են տվել:

Նախատեսվում է որ դրանից հետո Ադրբեջանը, տարբեր պատրվակներով օկուպացնելու է Զանգեզուրը:

Հայաստանը դիմելու է ԱՄՆ-ին, իսկ վերջինս, բացի Կոնգրեսի հուժկու հայտարարությունը, ոչ մի այլ քայլ չի կատարելու:

Հետո Հայաստանը դիմելու Մոսկվային, որտեղից ցույց են տալու Վաշինգտոնի դուռը: Պարզ է դառնալու, որ Հայաստանին այլևս ոչ ոք չի ուզենալու աջակցել:

Զանգեզուրի անկումից հետո սկսվելու է Երևանից և քաղաքներից   հայերի զանգվածային արտագաղթը:

Այսպիսով ավարտվելու է Հայաստանի պետականության պարտությունը, ընդ որում՝ ամենից անփառունակ ձևով:

Հարց. ինչպե՞ս  կարող է ստացվել, որ մեկ անձնավորություն կարողանում է կործանել  3 միլիոնանոց ժողովուրդ: Եվ, որ ամենակարևորն է, ինչո՞ւ է Փաշինյանն ուզում կազմաքանդել Հայաստանի պետականությունը: Եվ ինչու որևէ լուրջ դիմադրության Փաշինյանը չի արժանանում:

Պատճառը նույնպես պարզ է, որոհետև այդ երեք միլիոնը այդպես էլ չկարողացավ ձևավորել այնպիսի քաղաքական վերնախավ, որը կկարողանար բռնել այդ մեկ մարդու  ձեռքը:

Իսկ թե ինչու է այդպես ստացվում, դա արդեն այլ խոսակցության թեմա է:

Սա է իրականությունը:

Դավիթ Մկրտչյան
Zham.am