Նիստը գումարվելու է. Միայն մնում է, որ ՔՊ-ն ունենա կամք և գա այդ նիստին. Արծվիկ Մինասյան

«ՔՊ-ն իրեն բնորոշ մանիպուլյացիայով և մանր ժուլիկությամբ փորձում է մոլորության մեջ գցել մեր ժողվորդին և լուր է տարածել, թե իբր կառավարության հրաժարականի և նոր կառավարության ձևավորման  վերաբերյալ Սրբազանի գլխավորությամբ, կիրակի օրը ժողվորդի պահանջով  նախաձեռնած ընդդիմադիր խմբակցությունների ներկայացրած հարցի քննարկումը հետաձգվել է»,-բաղրամյան պողոտայում հայտնեց Աժ պատգամավոր Արծվիկ Մինասյանը։

Նա հայտնեց, որ այն սուտ է, հարցի քննարկմամբ հրավիրված ԱԺ նիստը  շարունակում է մնալ օրակարգում և կհրավիրվի հունիսի 17-ին, ժամը 18։30-ին։

«Սա փոփոխման ենթակա չէ, այն իրավունքի ուժով պարտադրված նիստ է և պետք է գումարվի։ Միայն մնում է, որ ՔՊ-ն ունենա կամք և գա այդ նիստին, որպեսզի իրենց հակափաստարկները բերեն այն հիմնավորումներին, որոնք մենք ձեր հետ ձևակերպել և ներկայացրել ենք, որ այս կառավարությունը անելիք չունի և պետք է հեռանա։ Հունիսի 17-ին ժամը 18:30-ին նիստը գումարվելու է»,- ասաց Մինասյանը։

Նա բացատրեց, որ հանձնաժողովի հակաօրինական նիստ է գումարվել ԱԺ նիստին զուգահեռ և ընդդիմադիրներին չեն հրավիրել, որպեսզի Նիկոլ Փաշինյանի իմպիչմենտի վերաբերյալ հայտարարության տեքստը ներկայացնեն և հիմնական զեկուցողի բացակայության պատճառաբանությամբ հարցի քննարկումը երկու ամսով հետաձգել են։

«Սա ոչ մի ձևով չի ազդում հունիսի 17-ին, ժամը 18։30-ին իրավունքի ուժով գումարվող արտահերթ նիստի անցկացման վրա»,-ասաց ընդդիմադիր պատգամավորը։