«Խաղաղության պայմանագրի նոր առաջարկ ենք ստացել Հայաստանից»․ Բայրամով
Ադրբեջանը Հայաստանից ստացել է խաղաղության պայմանագրի նախագծի նոր խմբագրությունը։ Ադրբեջանական լրատվամիջոցների հաղորդմամբ, այս մասին հայտարարել է Ադրբեջանի արտգործնախարար Ջեյհուն Բայրամովը։ «Մի քանի օր առաջ Հայաստանից նոր նախագիծ ստացանք։ Ուզում եմ նշել, որ համաձայնագրի նախագծի՝ բաց մնացած հարցերը կրճատվել են»,- ասել է Բայրամովը՝ հունգարացի գործընկերոջ հետ համատեղ ասուլիսի ժամանակ։