Ոստիկանության խոսելաոճի «թույն» «փայլատակում». «Ընչի՞ ես տոշկել իմ վրա». պարեկային ծառայության պետը՝ Բագրատ Սրբազանին
«Պարոն Պետրոսյան, դուք խմա՞ծ եք, ձեզ զրպարտում են»,- Քննչական կոմիտեի դիմաց դիմելով ԱԺ նախկին պատգամավոր Գևորգ Պետրոսյանին՝ հարցրեց «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը։
Ներկաներից մեկն ասաց՝ ոստիկանության Երևան քաղաքի վարչության պետ, ոստիկանության գեներալ-մայոր Սևան Քոչարյանն է ասել։ Դրանից հետո իրավիճակը սրվեց։
«Խմա՞ծ եք դուք, դե ասում են խմել եք։ Պարոն Քոչարյան, ինչի՞ց վերցրիք, որ խմած է։ Դուք պատասխան կտա՞ք այդ մեղադրանքին»,- ասաց Բագրատ Սրբազանը՝ դիմելով գեներալ-մայոր Սևան Քոչարյանին։
Գևորգ Պետրոսյանը հերքեց, որ ինքը խմած է։
Այն պահին, երբ Բագրատ Սրբազանը խոսում էր, Պարեկային ծառայության պետ Արթուր Խուդինյանը կանգնած ժպտում էր։
«Խնդում ես, պարոն Խուդինյան, խնդալուդ ժանանակը դեռ կգա։ Ինչի՞ վրա ուզում ես խնդա, կապ չունի։ Ձեր մասին հետո»,- ասաց Սրբազանը։
Խուդինյանն մոտեցավ Սրբազանին ու գոռալով ասաց. «Ընչի՞ ես տոշկել իմ վրա»,-հաղորդում է Panorama.am-ը։
--
Մեր կողմից նկատենք, որ փաշինյանական ոստիկանության բավականին բարձրաստիճան ներկայացուցիչները ժամանակ առ ժամանակ «փայլատակում» են իրենց «թույն» խոսելաոճով՝ ի ցույց դնելով հաղորդակցական տարրական մշակույթի բացակայությունը:
«Տոշկել», «կպռշկվել», «ստայանշիկ»... դեռ հայհոյանքները չհաշված: Չէ, ոչ ոք չի ակնկալում, որ ոստիկանություն կոչվող հաստատության նարկայացուցիչները գրաբարով Նարեկացու տաղերն արտասանեն, կամ լավ՝ թեկուզ Թումանյանի քառյակները: Բայց այս խոսելաոճն էլ մի բան չէ: Դեռ մի կողմ թողնենք այսպես ասած՝ «քրեական ենթամշակույթ» ասվածը: Լավ, գոնե հասարակ քթածակ էլ չունե՞ն, որպեսզի հասկանան՝ այդ կերպ իրենց սնանկությունն են ի ցույց դնում:
Հետևեք մեզ Facebook-ում