Վահե Ղազարյանի աթոռը դատարկ է. չի մասնակցել Կառավարության նիստին
Փաշինյանի զուգահեռդասարանցի, համատեղության կարգով՝ ՀՀ ՆԳ նախարար կամ՝ սուպերնախարար Վահե Ղազարյանը այսօր ներկա չի եղել կառավարության նիստին: Համենայն դեպս, հայկական հողերը թուրքերին նվիրողների կառավարության նիստի հեռարձակմանը հետևողները նկատել են, որ Վահե Ղազարյանի աթոռի վրա ոչ ոք չկա:
Սա հետաքրքրական է, քանի որ երեկ էլ Վահե Ղազարյանը ՆԳ նախարարությունից դուրս չեկավ՝ հանդիպելու ցուցարարներին, բայց նաև ԱԺ չէր գնացել ու նրա փոխարեն, հարցերը ՆԳ այլ ներկայացուցիչ էր ներկայացնում:
Անհասկանալի է. Վահե Ղազարյանը թռա՞ծ է, հրաժարակա՞ն է տվել, ինչո՞վ է զբաղված:
Հատկապես այն բանից հետո, երբ կարմրաբերետ գիշատիչաբար հարձակվեցին ԱԺ պատգամավորի վրա, ընդվզող քաղաքացիներին միտումնավոր մարմնական վնասվածքներ են պատճառում (ոտք ջարդել, ձեռք հոդախախտ անել, աչք հանելու փորձ և այլն, և այլն) ՆԳ նախարարին շատ հարցեր կան: Իսկ այն բանից հետո, երբ ոստիկանները փորձեցին արգելել Ամենայն Հայոց կաթողիկոսին՝ մուտք գործել Սարդարապետի հուշահամալիր, Նիկոլ Փաշինյանի զուգահեռդասարանցուն այլևս հարցեր չկան: Ի՞նչ հարցնել, երբ ակնհայտ է, թե ինչ երևույթի հետ գործ ունես:
Ամեն դեպքում՝ Վահեղ Ղազարյանը երկու օր է՝ բացակա է: Խի՞ղճն է արթնացել: Հանկարծակի:
Տեսանյութը՝ 168.am-ի
Հետևեք մեզ Facebook-ում