Կիսագողական չխոսե՛ս, ոտքիդ մատից մինչև մազիդ ծայրը ճանաչում եմ քեզ. Բագրատ Սրբազան

Փաշինյանի ՆԳ նախարարի տեղակալ, ոստիկանապետ Արամ Հովհաննիսյանը, ով իրեն թույլ է տալիս վիրավորական պիտակումներ տալ իր սիրելի իշխանությունը հեռացնելու համար պայքարող հայ մարդկանց, իջավ նախարարության դիմաց հավաքված բազմության ու այն առաջնորդող Բագրատ սրբազանի մոտ: Արամ Հովհաննիսյանը սադրիչ բնույթի ու տվյալ պահի վիճակից, առկա տրամադրություններից ընդհանրապես չբխող հայտարարություն արեց, թե՝ ցուցարարները, կանգնելով ՆԳՆ շենքի մոտ, իբր, բախման են տանում: Ոչ մեկը ոչ մի նման խոսք, կոչ, արտահայտություն չէր արել ու նման տրամադրվածություն էլ չէր դրսևորվել, բնականաբար: 
Փաշինյանի մոտ ոստիկանապետի պաշտոն զբաղեցնողը փորձեց նաև ինչ-որ բացատրություններ տալ՝ հայ ժողովրդի հասցեին իր գործածած «լոկոտ» բառի համար: Բայց դրանք ավելի շուտ նման էին փաշինյանական «կռուտիտների»: Մասնավորապես ասաց, թե ինքն այդ վիրավորական բառը գործածել է նրանց հանդեպ, ովքեր ծակել են ոստիկանական մեքենայի անվադողերը (ովքե՞ր): 
Բագրատ սրբազանը որոշակիորեն սաստեց ոստիկանապետին, նշելով, որ բախման կամ դրա հրահրման համար ոստիկանական ուժերն ու իշխանություններն են պատասխանատու, ի լրումն նրան զգուշացրեց, որ ոստիկանապետը  «կիսագողական չխոսի»: 
Մանրամասն՝ 168.am-ի տեսանյութում