Փաշինյանի անձնական սպասարկման «կարմրաբերետները» թուրքի նման հարձակվեցին դաշնակցական պատգամավորի վրա

Բացառապես Փաշինյանի անձնական շահերն սպասարկող, ոստիկանական համազգեստի տակ «պատսպարված» ու «կարմրաբերետ» անձինք գազանաբար ու խմբակային հարձակվեցին ԱԺ «Հայաստան» խմբակցության պատգամավոր Աշոտ Սիմոնյանի վրա: Կադրերում հստակ երևաց, որ  պատգամավորի վրա հարձակված «կարմրաբերետները» կանխամտածված ու նպատակային կերպով բռնի ուժ գործադրեցին՝ նպատակ ունենալով մարդու կյանքին և առողջոււթյանը պատճառել ծանր վնասվածքներ: Մասնավորապես, նրան գետնին տապալելուց հետո, ըստ երևույթին, իրենց ղեկավարի հրամանով, դրանք սկսեցին իրենց ստորին վերջույթներով կոխկրտել ու աքացիներ հասցնել ԱԺ պատգամավորին:
Որից հետո, կոպտորեն խախտելով բոլոր գրված ու չգրված օրենքները, արդեն քրեական հանցագործության հստակ հատկանիշներով հոդված շալակած ու նույնականացվելի «կարմրաբերետները» գործեցին քրեորեն հետապնդելի մեկ այլ արարք՝ «բերման ենթարկեցին» անձեռնմխելիություն ունեցող պատգամավորին: 
Այս դեպքում չի գործում «դեպքի վայրից» կալանավորելու միակ հնարավոր նորմը, քանի որ ԱԺ պատգամավորի վրա նախահարձակ եղան հենց «բերետավորները»: 
Մանրամասն՝ Yerkir.am-ի տեսանյութում