Ջրհեղեղ Ալավերդիում, Տաշիրում. Դեբեդը վարարել է, քշել մայրուղու հատվածներ, մեքենաներ, գույք, ջրերը լցվել են փողոցներ, տներ (տեսանյութ, լուսանկարներ)

Տեղացած հորդառատ անձրևների, դրա հետ շաղկապված այլ հանգամանքներով պայմանավորված, տարերային աղետ է Տաշիրում, Ալավերդիում և մերձակա այլ բնակավայրերում: Դեբեդը վարարել է, քշել տարել Մ6 միջպետական մայրուղու հատվածներ, կայանած մեքենաներ, այլ գույք, ընտանի կենդանիներ: Ջրերը լցվել են տների  առաջին հարկ: Որոշ տեղերում մարդիկ զրկված են ոչ միայն տեղաշարժվելու, այլև՝ հեռահաղորդակցության հնարավորություններից: 
Մինչ պաշտոնական աղբյուրները ինչ-որ պաշտոնական տվյալներ կհաղորդեն, տեղի ունեցածի վերաբերյալ իր ֆեյսբուքյան էջում մի շարք մանրամասնություններ է ներկայացրել Ալավերդու «Անկյուն+3» հեռուստաընկերության տնօրեն, գլխավոր խմբագիր Հրաչյա Պապինյանը՝ հրապարակելով նաև կարճ տեսանյութեր ու լուսանկարներ:
Նա գրում է. 
«ԱԼԱՎԵՐԴԻՈՒՄ ԱՂԵՏ Է
Լոռու մարզում Գիշերը տեղացած հորդառատ անձրևի պաատճառով վարարած Դեբեդն իր ճամփին քշել տարել է ամեն բան: Ավերված և անանցանելի են Մ6 մայրողու տարբեր հատվածներ, քետը քանդել է ճանապարհը, և հավանաբար երկար շաբաթներ աներթևեկելի կլինի մայրուղին:
Սանահին կայարանում գետի ջրերը հասել են շենքերի երկրոդ հարկեր:
Բաղրամյանում գետափնյա առանձնատների տանքիներն են միայն երևում:
Ալավերդու գլխավոր Թուամանայն փողոցի մի հատվածը գետի ջրերի տակ են, մակարդակն այնքան բարձր է, որ պատնեչներն էլ անցել են ջրի տակ:
Ջրերը քշել տարել են «Կատա» սուպերմարկետի գույքը, լցվել ոսկու խանութ, էկոնոմբանկի շենք, պատկերասրահ:
«Դեբեդ» թաղամասը կտրված է արտաքին աշխարհից, քանդվել է ճանապարհը, գետի ջրերը հսում են նախկին կայարանի տարածքով:
Գետի ջրերի տակ են Ախթալա քարկոփ բնակավայրերի շենքերի առաջին հարկերը: Ըստ մեր տեղեկության գետի ջրերը քշել տարել են գոմեր, անասուններ, մեքենաներն կամուրջներ:
Մ6 մայրուղու տարբեր հատվածներում արգելափակված մարդիկ են և մեքենաներ: Վերջին զանգի արարողությունների մասնակից շատ երեխաներ չեն կարողանում վերադառնալ Հաղպատից»:
Պապինյանը նշում է, որ խոսակցություններ կան անհետացած մարդկանց մասին: Բայց այդ խոսակցությունները դեռ ճշտման կարիք ունեն:
Panorama.am-ը կարճ տեսանյութ է հրապարակել, որտեղ երևում է, որ մարդիկ Ալավերդիում փողոցի մի աբից մյուսը հեղաշարժվում են ռետինե փչովի մակույկով: 
Իսկ լրագրող Սյուզի Բադոյանը ևս որոշ մանրամասնություններ է ներկայացնում Տաշիրից, նշելով, որ այնտեղ քաոտիկ վիճակ է: 
https://www.facebook.com/100001111636470/videos/pcb.7572446302802349/984376659855950
168.am-ը նաև յութուբյան ալիքում հրապարակել է տեսանյութ՝ հեղեղման հետևանքով ստեղծված վիճակի վերաբերյալ: