Կիրանցցիները աղբանոցը նետեցին իրենց զոհված համագյուղացիների հուշարձանին, այսօր, թիկնազորքով շրջապատված Փաշինյանի դրած ծաղիկները, որպեսզի հուշարձանը չպղծվի
Կիրանցից լրագրող, NewDay. am-ի խմբագիր Անի Գևորգյանը, ում այսօր Փաշինյանի «ախռանան» քաշքշել էր, հաղորդում է, որ գյուղի ու երկրի սահմանների պաշտպանության համար զոհվածների հուշարձանին այսօր Փաշինյանը, շրջապատված թիկնազորքով, ծաղիկներ է դրել:
Լրագրողը տեսանյութ է թողարկել, որտեղ հստակ երևում է, որ զայրացած կիրանցցիները աղբամանն են նետում իրենց զոհված եղբայրների, համագյուղացիների հուշարձանին Փաշինյանի դրած ծաղիկները: Նրանք նշում են, որ նրա դրած ծաղիկները պղծում են իրենց սիրելի ու հերոս հայրենակիցների հուշարձանը և իրենք այդպիսով պղծությունից մաքրում են այն: Ավելին, մարդիկ խոսում էին նաև Փաշինյանի ոտք դրած հատվածները ախտահանիչ նյութերով մաքրելու մասին ևս, առհասարակ, Փաշինյանի այցը Կիրանց համարում են սադրանք:
Իսկ ներկաներից մեկն ընդգծեց, որ կոնկրետ Փաշինյանն իրավունք չունի մոտենալ այդ հուշարձանին, քանի որ ուրացել և ջուրն է նետել այն, հանուն ինչի զոհվել են իրենց արժանավոր համագյուղացիները:
Մանրամասն՝ տեսանյութում:
Հետևեք մեզ Facebook-ում