Ամբողջովին նոր Land Cruiser 250՝ վերադարձ արմատներին հայեցակարգով. Տոյոտան Շոտլանդիայի Բալատեր բնակավայրում ներկայացրել է նոր փոխադրամիջոցը

Land Cruiser/Լենդ Քրուզեր  250-ն այս մոդելի վերջին սերունդն է:  Այստեղ համադրված են երբեւէ եղած լավագույն լուծումները, որոնք ապահովում են անվտանգ եւ հարմարավետ երթեւեկություն ամենուր:  

  Մի քիչ պատմություն

   Land Cruiser-ը ծնվել է 1951 թվականի օգոստոսի 1-ին՝ որպես «Toyota BJ»:  Կարճ ժամանակ անց այն ցուցադրում է իր ուժն ու հնարավորությունները՝ դառնալով  Ֆուջի լեռան լանջին գտնվող վեցերորդ կայարան տանող ճանապարհը հաղթահարած առաջին մեքենան:

    Ավելի քան 70 տարիների ընթացքում այս բրենդը  ստեղծել է հզորության, հուսալիության և ամենադժվար պայմաններին դիմակայելու համբավ:  Այն դարձել է Toyota-ի ամենավաճառվող մոդելներից մեկը. մինչեւ օրս աշխարհի ավելի քան 170 երկրում 11,3 միլիոն մեքենա է վաճառվել: 

Ավանդույթ ՝ համարդրված ժամանակակից լուծումների հետ

Նոր մեքենան նախագծելիս ՝ գլխավոր ինժեներ Կեյտա Մորիցուն եւ թիմակիցները փորձել են պատասխանել այս հիմնական հարցին ՝ ի՞նչ է իրենից ներկայացնում  Land Cruiser-ը եւ որն է այս փոխադրամիջոցի հիմնական ասելիքը:  Վերջնարդյունքից  գլխավոր ինժեները գոհ է: 

Նոր լուծումները  Լենդ Քրուզեր 250-ը դարձնում են գործնական եւ ճկուն:  Ինչպես 5, այնպես էլ 7 տեղանոց Land Cruiser –ի դիզայնն ապահովում  է առավելագույն հարմարավետություն, թե՛ ճանապարհային, թե՛ օֆրոդ երթեւեկության ժամանակ:

Արևմտյան Եվրոպայում  նոր Land Cruiser-ը ներկայացվում է 2,8 լիտրանոց տուրբոդիզելային շարժիչով: Այն առանձնանում է նոր ութաստիճան ավտոմատ փոխանցման տուփով, որը նախատեսված է մեքենա վարելու արդյունավետությունը և վառելիքի խնայողությունը բարձրացնելու համար:  Նոր Land Cruiser-ը այս բրենդի առաջին մոդելն է, որն ունի էլեկտրական ղեկային համակարգ:  Համեմատած հիդրավլիկի հետ՝ սա անգամ ոչ հարթ տարածքներում ապահովում է ղեկի սահուն կառավարում եւ մանեւրելու հնարավորություն՝  ցանկացած արագության դեպքում:

Անվտանգություն  

   Land Cruiser 250-ի ամուր կառուցվածքն  էապես ուժեղ պաշտպանություն է ապահովում հարվածի ժամանակ, ինչի հավանականությունը, սակայն հասցված է նվազագույնի: Նոր Տոյոտան ունի  անվտանգության և վարորդի աջակցության համապարփակ գործառույթներ, ներառյալ վերջին սերնդի Toyota Safety Sense-ը, որը մեծացնում է վթարների ռիսկի հայտնաբերման շրջանակը:  Համակարգը կարող է զգուշացնել   մոտեցող մեքենայի, այլ փոխադրամիջոցի կամ մոտ տարածության վրա բացվող դռան մասին:  Մյուս  նորարարությունն  արտակարգ իրավիճակների վարորդական կանգառի համակարգն է: Եթե վարորդը որեւէ ազդանշանի չի արձագանքում, այն ինքնուրույն  կանգնեցնում է մեքենան:

Տարբեր մոնիտորների միջոցով վարորդի համար ապահովվում է նաեւ ամբողջական տեսարան:  Դժվար տեղանքում ճշգրիտ մանեւրելու համար հնարավոր է դիտել   անվադողերի շարժը, դիրքը , անգամ այն, ինչ կատարվում է հենց մեքենայի տակ: 

Հարմարավետություն

    Թեւ նոր Land Cruiser-ը նախագծված է արտակարգ պայմանների համար, այստեղ նաեւ  ապահովված են ուղեւորասրահի հանգստությունն ու հարմարավետությունը: Աղմուկը գրեթե չի հասնում սրահ: Նախագծողները հասել են կատարելության . օդի ընդունման համակարգին ձայնը կլանող նյութ է ավելացվել,  անիվի երեսպատումներն, անգամ  անվադողերի  նախշերը հաշվարկվել են աղմուկը նվազեցնելու համար: Հատուկ մեխանիզմների շնորհիվ  նաեւ հնարավորինս սահուն երթեւեկություն է ապահովվում:  

Այս ամենն ամբողջացնում են նոր Տոյոտայի գլխավոր հայեցակարգը՝  «այս մեքենան կարող է ձեզ տանել ամենուր եւ վերադարձնել ապահով ու անվտանգ»:

---
հարցազրույցները ՝ ըստ տեսանյութի հաջորդականության  

1.  Էթիեն Պլաս Տոյոտա Եվրոպայի հանրային կապերի պատասխանատու     
    Սա նոր սերնդի Land Cruiser/Լենդ Քրուզեր  250-նն է՝ բրենդի  նոր մոդելը:  Այն  ամբողջովին վերստեղծվել է՝ վերադարձ դեպի արմատներին հայեցակարգով: Այսպիսով, մենք իսկապես ցանկանում ենք վերադառնալ ակունքներին՝  ԴՆԹ-ին, նրան, ինչը  Land Cruiser –ը դարձնում է Լենդ Քրուզեր:  Մենք բարելավել ենք մեքենայի տեսքը, այն նաեւ ավելի ամուր է, անվտանգ եւ առաջարկում է այն ամենն, ինչը պահանջում են վարորդները ժամանակակից մեքենաներից:

 2 Էթիեն Պլաս Տոյոտա Եվրոպայի հանրային կապերի պատասխանատու          

Կարծում եմ ՝ այս մեքենան մի քանի տեսակի հաճախորդների համար է: Դա, իհարկե, կախված է այն միջավայրից, որտեղ դուք ապրում եք: Բայց, ամեն պարագայում, նոր Տոյոտան ճանապարհի հուսալի ընկեր է ամենուր: Ուստի այն եւ ընտանեկան փոխադրամիջոց է եւ կարող է աշխատանքային նպատակների էլ ծառայել:

3 Էթիեն Պլաս Տոյոտա Եվրոպայի հանրային կապերի պատասխանատու     

Մենք շատ ուրախ ենք ներկայացնել այս մեքենան հատկապես հայ սպառողներին, ես շատ եմ ցանկանում մի օր այցելել ձեր հիասքանչ երկիր: Վստահ եմ ՝ այս մեքենան հրաշալի առաջարկ կլինի հայ գնորդի համար եւ Հայաստանում այն առանձնահատուկ պահանջարկ կունենա: