Մշակույթի գործիչների ակցիայի ժամանակ կառավարության շենքի մոտ բերվեցին վահաններով ոստիկանների խմբեր

Չէ, սա զավեշտ չի: Սա «Չիպոլինոյի» այլընտրանքային բեմականացում չի: Սա Օրուելի «1984»-ի մոտիվներով ինստալյացիա չի: Սա խայտառակ իրականություն է: 
Սա երկերեսանի ու բարոյազուրկ Արևմուտքի սիրելի Նիկոլ Փաշինյանի «ժողովրդավարական բարԾիոնն» է: Սա երկիրը ծվեն-ծվեն արած, Հայաստանի հազարավոր ու հազարավոր քաղաքացիների արյան աններելի մեղքի տակ մտած  բռնապետի վախն է: Այն վախը, որ կառավարության շենքի մոտ մի քանի տասնյակ արվեստագետների ընդամենը կանգնելը հարուցում է վահաններով, գուցե նաև՝ արցունքաբեր գազով, էլեկտրաշոկերներով, մահակներով զինված ոստիկանական «զորքերի» հևիհեև վազք-շարվելը: Պատկերի լիարժեքության համար պակասում էր մի բան. ոստիկանների դեմքերին երևի պետք է կպչուկներ («նակլեյկա») լիներ՝ «մենք բոլորս Նիկոլ ենք» գրությամբ: 
Տեսարանն, իհարկե, էպիկ էր. մի կողմում՝ արվեստի, մշակույթի մարդիկ, մեկ շարքով կանգնած, երգում են, ու նրանց այդ միավորված շարքից երգի հնչյուններից առավել, մեծ ուժ է տարածվում, անկասելի ուժ: Դիմացները՝ մի քանի շարքով կանգնած արական սեռի համազգեստավոր ներկայացուցիչներ՝ վահաններով, զենքուզրահով ու... հոգով կռկված, խեղճացած, անուժ, որովհետև իրենց թիկունքում ճշմարտություն չկա, կա ընդամենը իր շողքից վախեցած բռնապետ: 
Վահանններով վազելու տեսանյութը՝ 168.am-ի:
 Իսկ «Հայելի.ամ»-ի յութուբյան էջի այս հղումով՝ https://www.youtube.com/watch?v=PYVjpApTgYw արվետագետների ակցիան, որի ընթացքում նրանք երգում են «Երազ իմ երկիր»-ը, ապա վանկարկում «առանց նիկոլ Հայաստան», «Հայ, Հայաստան, Հայրենիք ու Աստված»: