Մենք տեսանյութ ենք ցուցադրել, ստի մասին տեսանյութ, շատ եմ ուզում, որ հերքեն. Բագրատ սրբազան

Անցյալ օրը տեսաք դիվանագիտական կորպուսը, որը չկարողացան հանդուրժել: Այս մասին Ժուռնալիստների միությունում հանդիպման ժամանակ նշեց Տավուշի թեմի առաջնորդ Բագրատ Սրբազանը:

«Դիվանագետները դասալիք են, Սրբազանը գործակալ է, Գառնիկը մասոնական է, Սուրենը 4-րդ պետության կողմից ներդրված է, 5-րդ շարասյուն է: Մենք բոլորս երկիրը քայքայած մարդիկ ենք, բայց մի փաստ կա, որ իրենք չեն կարող հրաժարվել. 2023 թվականի սեպտեմբերի 22-ին ՄԱԿ-ի ԱԽ նիստում Արարատ Միրզոյանն ասում է մի բան, իրեն հերքում է թշնամի երկրի ԱԳ նախարարը՝ հղում անելով Արարատ Միրզոյանի վարչապետին: Սա պետության նկարագիր է: Սրա հերքումը, մերժումը կարո՞ղ են տալ: Չեն կարող, և շատ բան չեն կարող: Առջիկայում կտեսնեն բժշկական համայնքները, փաստաբանական, իրավաբանական, կտեսնեն տնտեսագետներին, կրթության մշակներին:

Մարդիկ ուզում են ազատագրվել ստի ու չարիքի պատճառից և այդ պատճառը մեկ հոգի է, որը ստրկացրել է բոլորին: Ի՞նչ ուժով՝ ես չգիտեմ: Այդ մի հոգին պետք է գնա, պետք է արմատախիլ արվի:

Մարդիկ են մոտեցել ինձ, ասում են՝ եթե այս անգամ էլ չհաջողի, մենք էստեղ չենք մնալու, գնալու ենք: Այդքան ծայրահեղ վիճակի եք հասցրել պարզ մարդկանց»,- ասաց նա:

Մանրամասն՝ տեսանյութում: