Մայր Աթոռի դիվանապետը՝ Թորոսյան Արսենին հորդորել է օգտվել սեփական ուղեղի անվճար ծառայություններից
Առողջապահության նախկին նախարար, այժմ ՔՊ-ական պատգամավոր Արսեն Թորոսյանը, ով հայտնի աթեիստ է ու հակաեկեղեցական, երեկ մի գրառում էր արել Հայ առաքելական եկեղեցու դեմ: Մասնավորապես, կորոնավիրուսի վարակից հազարավոր մարդկանց մահանալու շրջանում պաշտոնավարած ՔՊ-իշխող խմբի ներկայացուցիչ Թորոսյանը վիրավորել է միլիոնավոր հայ մարդկանց կրոնական զգացմունքներն ու ազգային արժանապատվությունը՝ Հայ Առաքելական եկեղեցին անվանել «մի 1700-ամյա առասպել», ավելին՝ գործնականում ակնարկել է, թե պետք է վերացնել Հայ Առաքելական սուրբ եկեղեցին:
«Հրապարակը» իշխանության ներկայացուցչի այդ գրառման առնչությամբ, մեկնաբանության համար դիմել է Մայր Աթոռ Սուրբ Էջմիածնի դիվանապետ Արշակ արքեպիսկոպոս Խաչատրյանին:
Նա ասել է. «Չեմ կարծում կարիք կա անհեթեթությունները մեկնաբանել: Միայն կավելացնեմ, որ մտավորական երևալու համար ոչ թե պետք է ակնհայտ իրողությունները առասպելաբանություն համարել, այլ նախևառաջ պետք է օգտվել ուղեղի անվճար ծառայություններից»:
Հետևեք մեզ Facebook-ում