«Uարկավագին տարան»․ ոստիկանները բիրտ ուժով բերման են ենթարկում Երեւանի կենտրոնում ակցիա իրականացնողներին (տեսանյութ)
Ոստիկանները բիրտ ուժ կիրառելով բերման են ենթարկում Սայաթ Նովա-Աբովյան խաչմերուկում խաղաղ անհնազանդության ակցիա իրականացնող քաղաքացիներին:
Նրանց թվում են նաև 44-օրյա պատերազմի հերոս Արայիկ Բաղդասարյանի մայրը` Գոհար Դավթյանը, Սուրբ Աննա եկեղեցու սարկավագը և եկեղեցու սպասավորները։
Նշենք, որ այսօր առավոտից քաղաքացիները Երևանի տարբեր հատվածներում փողոցներ են փակում։ Մեծ թվով ոստիկաններ, այդ թվում՝ կարմիրբերետավորներ, պարեկներ են դուրս բերվել մայրաքաղաքի փողոցներում։ Բոլոր հատվածներում նրանք բերման են ենթարկում անհնազանդության խաղաղ ակցիաներ իրականացնող քաղաքացիներին, այդ թվում՝ պարեկների մեքենաներով։
--
Հավելենք, որ «Օգնություն և իրավունք» ՀԿ նախագահ Սերգեյ Հարությունյանը ֆեյսբուքյան գրառմամբ նշել էր. «Սոցիալական ցանցերում մտահոգությունները տեսնելով՝ տեղեկացնեմ, որ սարկավագը կենտրոնի ոստիկանության բաժնում է, անձամբ հանդիպել եմ, մինչև 16:00 ազատության մեջ կլինի»:
Հետևեք մեզ Facebook-ում