Փաշինյա՞նն է հրահանգել բեռնատարը՝ բարձրացված թափքով քշել հայերի վրա. որտե՞ղ էին ու ի՞նչ էին անում նիկոլական «ոստիկանները»

9 Մայիս, 2024 22:05

Բեռնատար ավտոմեքենան «Տավուշը հանուն հայրենիքի» շարժման կազմակերպած հանրահավաքի ժամանակ մտել է Հանրապետության հրապարակ։ Հանրահավաքի մասնակիցները կարողացել են հետ քաշվել, տուժածներ չկան, հայտնում է Sputnik Արմենիայի թղթակիցը տեղից։
«Բեռնատար ավտոմեքենայի վարորդը քշել է ժողովրդի վրա։ Ոստիկաննե՛ր, էդ շարքերում որ կանգնած եք, մոտեցե՛ք, խնդիրը լուծեք։ Ժողովուրդ ջան, ձեռք չտաք ոչ մեկին, վարորդին մատով չկպնեք»,–ասաց Բագրատ սրբազանը։

Նա ընդգծեց, որ դա դիտմամբ են անում մարդկանց սադրելու համար ու դեռ շատ են անելու նման բաներ։

Ոստիկանները փորձում էին կարգի հրավիրել հրապարակում հայտնված բեռնատարի վարորդին, սակայն չէին կարողանում նրան խցիկից հանել։

Այնուհետև բեռնատարը քշեցին ու տարան Հանրապետության հրապարակից, սակայն պարզ չէ` ոստիկաննե՞րը հեռացրին մեքենան, թե՞ վարորդը հեռացավ։
Մեր կողմից նկատենք, որ բեռնատարը, այն էլ այդ վիճակում ուղղակի չէր կարող հենց այնպես հայտնվել Հանրապետության հրապարակում: Չէր կարող, որովհետև դեպի հրապարակ տանող բոլոր փողոցների հրապարակամերձ հատվածները փակված են ոստիկանական պարեկային խմբերի կողմից, այդ թվում՝ պարեկային, ոստիկանական մեքենաներով: Հետևաբար, նման բան հնարավոր չէր՝ առանց փաշինյանական «ոստիկանների» հանցավոր անգործության կամ ուղղակի դիտավորության հետևանքով:
Նման սադրանքները փաշինյանական ռեժիմի հոգեվարքի տպավորություն են թողնում:
Տեսանյութը՝ 168.am-ի յութուբյան ալիքից