Բագրատ արքեպիսկոպոս Գալստանյան. Մենք ուզում ենք, որ դուք ոտքի կանգնեք և վերացնեք այս խարանը

Ժողովուրդ, այն ամենն, ինչ ասում եք, վերաբերում է ձեզ։ Դուք եք և սրբերը, և ոգին,  և կյանքը, և գիտակցությունը: Ես չեմ ասի, որ սիրում եմ ձեզ կամ խոնարհվում եմ ձեր առաջ: Ես ասում եմ ձեզ, որ դուք ամենա, ամենա, ամենան եք, ժողովուրդ, որ ապրում է  Տիրոջ հայացքի առաջ, որն այսքան ժամանակ զգում է, որ իրեն զրկել են արժանապատվությունից, խլել ուրախությունը, այսօր նա թույլ է, խոցված։ Մեր ցանկությունն է, որ դուք ոտքի կանգնեք որպես միասնական ազգ և ժողովուրդ և իսպառ ոչնչացնեք այդ խարանը։ Այս մասին այսօր՝ մայիսի 5-ին, երթի ժամանակ հայտարարեց ՀԱԵ Տավուշի թեմի առաջնորդ Բագրատ արքեպիսկոպոս Գալստանյանը։

Հավաքվածները սկսեցին վանկարկել «Սրբազան», ինչին ի պատասխան արքեպիսկոպոսը խնդրեց դադարեցնել դա՝ կոչ անելով որևէ մեկի հետ հույսեր չկապել՝ ընդգծելով, որ դա՛ է հենց սխալը։

«Մարդու հետ ոչինչ չի կարող կապված լինել, ոչինչ... Սա հայրենիք ու արժանապատվություն ձեռք բերելու պայքար է։ Այն ճշմարտության հաղթանակի մասին է, և այդպես էլ պետք է լինի։ Մենք բոլորս գործիքներ ենք Տիրոջ ձեռքին, ուղղակի գործիքներ, ոչ ավելին... Պետք է գնալ ինքնամաքրման ճանապարհով։ Եվ թող այս երթը դառնա դրա մեծագույն կամ լավագույն վկայությունը»,- նշեց նա։
Աղբյուր՝ News.am