Խաղը կավարտվի, երբ մարդիկ վեր կենան. Տեր Տիգրան քահանա Բադիրյան (տեսանյութ)
«5-րդ ալիքի» «Օրագիր» ծրագրին տված հարցազրույցում Մայր Աթոռի կաթողիկոսական գրեսանյակի գործավար տեր Տիգրան քահանա Բադիրյանը նշել է, որ «Տավուշը՝ հանուն հայրենիքի» շարժումը բխել է ծայրահեղ կարիքից, այն անհրաժեշտությունից, որ հայրենիքը պետք է մնա:
Հարցազրույցի հիմնական թեզերը.
Եկեղեցին ինստիտուցիոնալ առումով ներգրավված չէ, բայց շատ եկեղեցականներ ունեն իրենց դիրքորոշումը եւ հոտի հետ են:
Եթե եկեղեցին մի բան ունի իր աստվածապաշտության մեջ, դա նշանակում է հայտարարված նպատակ, հայրենիքի խեղումը մեր կրոնական զգացմունքներին առնչվող հարց է:
Հաստատված արժեքներն ու գաղափարները անվտանգության զգացում են տալիս մարդկանց:
Հասարակության մի ստվար հատված կարծրատիպային է մոտենում եկեղեցուն:
Տավուշի թեմը աշխարհագրական կոնկրետ տարածք է, լղոզված սահմաններով ինչ-որ տարածք չէ:
Հին Հունաստանում նրանք, ովքեր քաղաքացի էին, բայց այդ ամենով չէին զբաղվում, իդիոտես էին կոչվում:
Եկեղեցին չի ունեցել եւ չի կարող ունենալ որեւէ սահմանափակում՝ արտահայտվելու յուրաքանչյուր թեմայի շուրջ:
Կռապաշտություն է Սուրբ գիրքը սեփական շահի համար մանիպուլացնելը:
Աշխարհընկալման հիվանդագին լինելու մասին է խոսում իր առավելությունը տեսնելով՝ Քրիստոսի հետ համեմատվելը:
Եկեղեցին ունի բազմաթիվ հայտարարություններ իր ընկալումների մասին, դրանցում եկեղեցու ինստիտուցիոնալ գնահատականն է հնչում:
Սատանան էլ լուսե հրեշտակ էր:
Նզովքը փաստի արձանագրումն է, դա անեծք չէր. մարդը, ում պատճառով հող պիտի հանձնվի,իրեն ու իր սերունդներին կտրում է հայրենիքից:
Խաղը կավարտվի, երբ մարդիկ վեր կենան:
Մանրամասն՝ տեսանյութում:
Հետևեք մեզ Facebook-ում