Փաշինյանական ոստիկանությունը ցինիկաբար ծաղրում է հայերին

Նիկոլ Փաշինյանին սպասարկող «ոստիկանությունը» պարզաբանում է տարածել, որով ցինիկաբար ծաղրում է հայերին, առհասարակ, ձեռ է առնում ողջամտությունը: 
Ըստ տարածած հաղորդագրության՝ Պապիկյանի գլխավորած «պաշտպանության նախարարություն» կազմակերպությունը...  «Հայաստան-Ադրբեջան պետական սահմանի Տավուշի մարզի Կիրանց գյուղի և Ադրբեջանի Հանրապետության Ղազախի շրջանի Խեյրեմլի գյուղի հատվածում իրականացնում է ականազերծում»։
ՆԳ նախարարությունից հայտնում են, որ «պետական սահմանի տվյալ հատվածի վերարտադրության նպատակով Հայաստանի Հանրապետության և Ադրբեջանի Հանրապետության փորձագիտական խմբերի կողմից գեոդեզիական չափումների հիման վրա՝ կոորդինատների ճշգրտման աշխատանքների իրականացումը ապահովելու համար»:
Մի խոսքով, ըստ փաշինյանական ոստիկանության պաշտոնական վարկածի՝ «ոստիկանությունը ականազերծման գոտիներում իրականացնում է ուժեղացված ծառայություն` ականապատ գոտիներ քաղաքացիական անձանց մուտքը թույլ չտալու և նրանց անվտանգությունն ապահովելու համար»:
Հասկանալի՞ է: Ոստիկանությունը կամ ոստիկանական համազգեստով անհայտ անձինք այս առավոտ ծեծուջարդի էին ենթարկում խաղաղ հայ բնակչությանը, որպեսզի նրանք հանկարծ չգնան ու ականների վրա չպայթեն: Սա բացահայտ ծաղր է: 
Նման ցինիզմ մեկ էլ 1915-ին Թալեաթն էր դրսևորում, ասելով, թե հայերին իրենց ապահովության համար են քշել սիրիական անապատներ: 
Ի դեպ, պաշտոնական հաղորդագրության մեջ երկու անգամ հիշատակվում է «պետական սահման» կապակցությունը: Փաշինյանի ոստիկանությունը կարո՞ղ է ցույց տալ օրինական ու լիարժեք որևէ փաստաթուղթ, որով այդ «պետական սահմանը» սահմանված կամ հաստատված է:

Ա.Հակոբյան
Zham.am