Փաշինյանը ՀՀ-ի սեփականատե՞րն է, ի՞նքը պիտի որոշի` որ կտորը ում տա. Վազգեն Մանուկյան (տեսանյութ)

Հիմա սահմանագծում է տեղի ունենում և շատ անօրինական, սա հակասում է և՛ միջազգային պրակտիկային, և՛ մեր Սահմանադրությանը: Այս մասնին Կիրանցում լրագրողների հետ զրույցում ասաց ՀՀ նախկին վարչապետ Վազգեն Մանուկյանը:

«Նիկոլ Փաշինյանը ոնց որ սեփականատերը լինի Հայաստանի. կարող է որոշել՝ որ կտորն ում տա կամ չտա: Շատ կարեւոր է որ տեղացիները, նաև Հայաստանի տարբեր մարզերից նրանց աջակիցները, պայքարում են իրենց իրավունքների համար. «Այդ իրավունքները բոլորիս իրավունքներն են, բայց հիմա, այստեղ ինչ-որ մարդիկ պայքարում են դրանց համար»,- նշեց նա:

Անդրադառնալով Նիկոլ Փաշինյանի այն պնդումներին, որ այդ տարածքներն Ադրբեջանին են պատկանում եւ եթե դրանք չվերադարձնենք՝ պատերազմ կսկսվի, Վազգեն Մանուկյանն ասաց. «Մի կողմից Հայաստանը հայտարարում է, որ ինքն ուզում է խաղաղության պայմանագիր կնքել, որպեսզի ինքը խաղաղ ապրի, բայց Ադրբեջանը բոլորովին այլ խնդիրների մասին է խոսում: Իրենք խոսում են Հայաստանի մասին, որպես Արեւմտյան Ադրբեջանի մասին, ինքը նպատակ ունի ամրապնդվի մեր անկլավներում, մեր բարձունքների վրա, որպեսզի հետո շարունակի իր ընթացքը: Մեր ամեն մի զիջումը բերում է պատերազմի վերսկսման ավելի մեծ հավանականության, քան չզիջելը»:

Վազգեն Մանուկյանը պնդում է՝ անդառնալիության կետը հատված չէ և եթե ժողովուրդը միասնական որոշում ընդունի, դրան դեմ գնալը շատ բարդ կլինի:
Աղբյուր՝ Yerevan.today