Խաղի կանոնները կփոխվեն, եթե ասենք՝ համաձայն չենք. Ավետ Ադոնց (տեսանյութ)
«5-րդ ալիքի» «Օրագիր» ծրագրին տած հարցազրույցում ԱԳ նախկին փոխնախարար Ավետ Ադոնցը նկատում է, որ Տավուշում կատարվողը լոկալ խնդիր չէ, գործ ունենք ժողովրդական ընդվզման հետ:
Հարցազրույցի հիմնական թեզերը.
Ինչպե՞ս կարելի է իրականացնել դեմարկացիա եւ դելիմիտացիա, երբ ՀՀ տարածքները օկուպացված են, երբ Բաքվում ռազմագերիներ կան, երբ Ալիեւն ասում է՝ Հայաստանը մեր ափի մեջ է:
Թուրք-ադրբեջանական միությունը հայ ժողովրդի հետ կապված անում է այն, ինչ ուզում է: Ժողովուրդը պետք է զգա բանակի ուժը, սահմաններ պահելը գործով պետք է ապացուցել:
Երեսուն տարի շարունակ Ալմաթիի փաստաթուղթը մոռացված փաստաթուղթ էր:
Պատմության մեջ առաջին անգամ Արցախը հայաթափվեց:
Դիվանագիտությունը նրա համար է, որ զսպող մեխանիզմները աշխատեցնի:
Անընդունելի ճգնաժամ ունենք հայ-ռուսական հարաբերություններում:
Տարածաշրջանում Ռուսաստանի ազդեցության միակ այլընտրանքը Թուրքիան է:
Ադրբեջանից գազ գնելը նշանակում է տնտեսական, ֆինանսական, ներդրումային կախվածություն:
Եթե մենք առաջարկենք մերը, աշխարհի վերաբերմունքը կփոխվի:
Դիվանագիտական ծառայության մանդատը հենց պատերազմ թույլ չտալն է, այսօրվա խաղաղությունը պատերազմ գեներացնող է:
Պատերազմից հետո գերմանական փորձագետները մեզ խորհուրդ էին տալիս վերականգնել բանակը:
Որեւէ երկիր, բացի Թուրքիայից, Ադրբեջանից ու Պակիստանից, երբեք արցախահայության վերադարձին դեմ չի խոսի:
Դե, թող տիկին Ֆոն դեր Լայենը գար Երեւան ու սեղմեր ՀՀ ղեկավարի ձեռքը, ինչպես դա արեց Բաքվում:
Մեր լոբբիստներին ասում են՝ գնացե՛ք, Երեւանի հետ խոսեք:
Դիվանագետի դիմաց նոտաներ են դնում, նրա գործը որակյալ նվագելն է, հիմա ստիպում են նվագել թուրքական մարշ:
Հետևեք մեզ Facebook-ում