Փաշինյանի «ոստիկանները» առևանգել են գնդապետ Մախսուդյանի որդուն, հարձակվել լրագրողի և օպերատորի վրա

Փաշինյանի անձնական սպասարկմամբ զբաղվող, ոստիկանի համազգեստի տակ պատսպարվածները օրեցօր ավելի ու ավելի զազրելի գործողությունների են դիմում: Ժանտ բռնապետության սպասարկուները անցել են մարդկանց առևանգելու, լրագրողների վրա հարձակումներ իրականացնելու ու նմանատիպ գործողությունների: Ավելին, նրանք օրինակ, ընդվզող քաղաքացիների հետ «ուղիղ կոնտակտի» ժամանակ աշխատում են առաջինը հարվածել կանանց, երեխաներին, դեռահասներին՝ նրանց վնասվածքներ պատճառելու ակնհայտ մտադրությամբ:
Սա ամենաիսկական ոստիկանական տեռոր է՝ պայմանավորված ազգային պատկանելությամբ, և չի կարող ու չունի ոչ մի ընդհանուր բան օրենքի կամ օրինականության հետ:
«Հրապարակ»-ից տեղեկանում ենք. «Միհրան Մախսուդյանի տղայի մեքենայում էինք՝ խնդրեցինք մեզ Իջևան տանել, ճանապարհային ոստիկանությունը մեքենան կանգնեցրեց  և մեքենայի կանգնելուց հետո Ոստիկանության 6-րդ վարչության տղաները՝ դիմակավորված, Մախսուդյանի տղային ու իմ օպերատորին փորձեցին տանել, բայց օպերատորին թողեցին»։ «Հրապարակի» հետ զրույցում այս մասին ասաց newday.am կայքի խմբագիր, լրագրող Անի Գևորգյանը։
«Մենք Մախսուդյանի տղայի մեքենայի մեջ էինք, խնդրել էինք մեզ Իջևան իջեցնել՝ իրեն տարան»,-ասաց Գևորգյանը։
Նա նշեց, որ այս ամենը տեղի է ունեցել Իջևան-Կիրանց ճանապարհին։ 
Լրագրող Անի Գևորգյանի ֆեյսբուքյան էջում կան ուղիղ եթեր հեռարձակված կադրեր, որտեղ պատկերված է իրենց վրա նիկոլականների վայրագ հարձակման պահը՝
https://www.facebook.com/reel/1837444670091956