Սա քաղաքական հաշվեհարդար է. փաստաբան Ռուբեն Մելիքյանը՝ ոստիկանության միջոցով իշխանության դրսևորած այլանդակության մասին

Իրավապաշտպան, փաստաբան Ռուբեն Մելիքյանը տեսակցել է վայրագ խոշտանգման ենթարկված քաղաքացի, իր պաշտպանյալ Սամվել Վարդանյանին: Այդ մասին Ռուբեն Մելիքյանը հայտնեց ֆեյսբուքյան ուղիղ միացմամբ, նշելով, որ Սամվելը շնորհակալ է հանրության կողմից դրսևորած հսկայական աջակցության համար: Փաստաբանը փոխանցեց, որ Սամվել Վարդանյանի ոգին տեղն է: 
Ռուբեն Մելիքյանը ևս մեկ անգամ ընդգծեց, որ Սամվել Վարդանյանի նկատմամբ կատարվածը «քպ-ի վրեժխնդրության» դրսևորում է:  
Իրավապաշտպանը նաև խնդրեց, որ ապրիլի 17-ի առավոտյան, ժամը 08:00-ից ոչ ուշ, 2-3 ավտոմեքենաներ լինեն, ու ներկա գտնվեն նաև ԱԺ պատգամավորներ, լինեն ոստիկանության Էրեբունու բաժանմունքի հարակից հատվածում գտնվող ՁՊՎ-ի մոտ: Դրա նպատակը, ինչպես նշեց Ռուբեն Մելիքյանը, այն է, որ երբ Սամվել Վարդանյանին ժամը 9-ի մոտակայքում նշված ՁՊՎ-ից տեղափոխեն քննիչների մոտ, ապահովվի «անվտանգության ուղեւցում», որպեսզի ոստիկանները այս անգամ ոչ մի տեղ չկանգնեն՝ «բնական կարիքները հոգալու»: Սա էական է, քանի որ ոստիկանության նկատմամբ չկա բացարձակապես ոչ մի վստահություն: 
«Սա սովորական ոստիկանական բռնության խնդիր չի»,- ընդգծեց Ռուբեն Մելիքյանը: 
Նրա նաև շեշտեց. «Սա քաղաքական հաշվեհարդար է, որը փոխկապակցված է ինչպես Ալեն Սիմոնյանի հրապարակային հայտարարության, այնպես էլ՝ քպ-ին հարող մի քաղաքագետի՝ հրապարակայնորեն արած բռնության, անգամ՝ սպանության կոչի հետ:
Ուղիղ միացման հղումը՝ 
https://www.facebook.com/watch/live/?ref=watch_permalink&v=395949026698584