ՔՊ-ական պատգամավորի հետ միջադեպից հետո քաղաքացուն տարել են Կենտրոնի բաժին
Ժամեր առաջ համացանցում տարածում էր գտել մի տեսանյութ, թե ինչպես է մի քաղաքացի հանրային տրանսպորտում վիճաբանում ՔՊ-ական պատգամավոր Հակոբ Ասլանյանի հետ: Ավելի ուշ տեղեկացանք՝ քաղաքացին Սամվել Վարդանյանն է, որի ֆեյսբուքյան էջից էլ տարածվել է միայն ընկերների համար ցուցադրվող տեսանյութը:
44-օրյա պատերազմին մասնակցած Սամվել Վարդանյանն արդեն իսկ Նիկոլ Փաշինյանի հետևից «դավաճան» բղավելու համար ձերբակալվել, ապա ազատ էր արձակվել, ինչից հետո կորցրել էր նաև աշխատանքը։
Քիչ առաջ նորից ֆեյսբուքյան լայվից տեղեկացանք, որ Սամվել Վարդանյանը ձերբակալվել է:
168.am-ի հետ զրույցում ՆԳՆ Ոստիկանության հասարակայնության հետ կապի և լրատվության վարչությունից էլ նշեցին. «Այդ դեպքով մեկ անձ խուլիգանություն կատարելու անմիջական հիմքով ձերբակալվել է և բերվել է Կենտրոնական բաժին: Կկազմվեն համապատասխան փաստաթղթեր, կփոխանցվեն Քննչական»:
Մեր կողմից. թիկնապահների միջոցով քաղաքացուն «բռնող» ու նրա վրա թքող ԱԺ նախագահ ունեցող երկրում, իրավիճակում, երբ այդ «թքամոլը» ոչ միայն կալանավորված չէ, այլև շարունակում է այդ պաշտոնն զբաղեցնել ու հարկատուների հաշվին ահռելիագույն աշխատավարձ ստանալ, ոստիկանության կողմից Սամվել Վարդանյանի ձերբակալումը այլ բան, քան՝ բացահայտ կամայականություն, դժվար է բնորոշել:
Հետևեք մեզ Facebook-ում