Փաշինյանին սպասարկող ոստիկանները, «սա քաղաքական բան ա» ասելով, «STOP NIKOL» գրելու համար բռնել են Վահագն Չախալյանին

STOP_NIKOL ակցիա անցկացնելու համար բերման է ենթարկվել հասարակական գործիչ Վահագն Չախալյանը: Այս  մասին նա հայտնել է իր ֆեյսբուքյան լայվի միջոցով: Ինչպես հայտնում է News.am-ը, Չախալյանը մի քանի այլ քաղաքացիների հետ Թբիլիսյան խճուղում փորձել է ներկով գրել STOP_NIKOL, ինչը ոստիկանները չեն թույլատրել եւ բերման են ենթարկել Արաբկիրի ոստիկանության բաժին:
«Ես փորձում էի գրել՝ Նիկո΄լ, կա΄նգ առ եւ վերջապես այդ մարդը պետք է կանգ առնի: Խոսքը հենց Ոսկեպարի հանձնմանն է հիմա վերաբերում եւ մենք պետք է ամեն ինչ անենք, որ նա կանգ առնի»,-ասել է նա:
Չախալյանը ինքնակամ է գնացել ոստիկանության բաժին:
Հատկանշական է և դա հստակ լսվում է լայվի տեսանյութի ընթացքում, որ փաշինյանական ռեժիմի ոստիկանները ասում են՝ «սա քաղաքական ինչ-որ բան ա...»: Այսինքն, եթե «քաղաքական ինչ-որ բան ա», ապա այդքանը «ժողովրդավարական բաստիոնում» բավարար է՝ մարդուն ձերբակալելու, բերման ենթարկելու համար: 
Այդ առնչությամ փորձագետ Կարեն Վրթանեսյանը ֆեյսբուքյան գրառմամբ նկատել է. «Վահագն Չախալյանին բռնել ու ոստիկանություն են տարել ինչ-որ չափառի վրա «STOP NIKOL» գրելու համար։ Մի քանի մեքենա ոստիկան էր եկել։Վահագնը լայվ է միացրել ու լսում եմ ոստիկանի հարցը. «Էս ինչ-որ քաղաքական բան ա, հա՞»։
Փաստորեն՝ «քաղաքական բանը» ոստիկանի աչքերում հանցագործություն է կամ, առնվազն, ծանրացուցիչ հանգամանք»։