Գիտակից մարդը, լսելով կառավարության ազդակները, չի կարող հանգիստ ապրել. Վարդան Արամյան (տեսանյութ)

Ֆինանսների նախկին նախարար Վարդան Արամյանը «5-րդ ալիքի» «Օրագիր» ծրագրին տված հարցազրույցում նշել է, որ դիվերսիֆիկացիան փոքր տնտեսությունների համար ընդունված թեզ է, հարց է, թե որքանով է դա հաջողվում:
Հարցազրույցի հիմնական թեզերը.
Եկեք նայենք՝ 270 միլիոնը այսօրվա տնտեսական կյանքում եւ 150 միլիոնը՝ 2008-2009 թվականներին:
ԵՄ-ն նախկինում էլ միլիոնավոր եվրոների օժանդակություն է տրամադրել մեզ:
Որպես շարքային քաղաքացի ես մեկ ազդակ ստացա՝ մենք այդ գումարը տալիս ենք, որ ավելի կոշտացնեք ձեր դիրքորոշումը Ռուսաստանի նկատմամաբ:
Մեր էներգետիկ համակարգի շուրջ 73-74 տոկոսը Ռուսաստանից է կախված, արտահանման շուրջ 40 տոկոսը դեպի Ռուսաստան է գնում:
Չեմ կարծում, որ Ռուսաստանը դեռեւս կգնա կոշտ քայլերի:
Նայեք Վենետիկի պատմությունը, արդյո՞ք նա ստրուկ է եղել:
Վերջին տարիներին մեր կախվածությունը ռուսական տնտեսությունից մեծացել է:
Նորմալ է, որ փող տվողը պայման է թելադրում, այլ հարց է, թե դու այդ պայմանները ինչպես ես խաղարկում քո օգտին:
Լուրջ պրոբլեմ է որոշումների կայացումը:
Եթե դու բարձրաստիճան պաշտոնյա ես ձերբակալում, 100 տոկոսով պետք է վստահ լինես մեղքի վրա:
Ներդրողների համար ազդակ են հանքագործության ոլորտում ոչ թափանցիկ գործարքները:
Ենթակառուցվածքի կորուստը տնտեսական կորուստ է:
Գիտակից մարդը, լսելով կառավարության ազդակները, չի կարող հանգիստ ապրել:
Ոստիկանության եւ անվտանգության մարմինների բյուջեն ֆինանսավորում ենք, որ ստանանք ծառայություններ, հանցավորության աճի թվերը փաստում են՝ հարկատուի գումարները արդյունավետ չեն ծախսվում:
Ցածր եւ միջին եկամուտ ունեցողներն ավելի վատ են ապրում, քան նախկինում:
Մանրամասն՝ տեսանյութում: