Ազատությո’ւն Բաքվի ու Երևանի բանտերում գտնվող քաղբանտարկյալներին. ակցիա՝ ՀՀ ԱԳՆ - ի մոտ (տեսանյութ, լուսանկարներ)

ԱԳՆ շենքի դիմաց այսօր տեղի ունեցավ ակցիա՝ քաղբանտարկյալներին ազատ արձակելու պահանջով։ 
Ցուցարարները պահանջում են նաև Ադրբեջանում պահվող հայ ռազմագերիների ազատ արձակումը։
Նշենք, որ Եվրոպայի խորհրդի գլխավոր քարտուղար Մարիա Բուրիչը, այսօր ԱԳՆ-ում հանդիպում է ունեցել Փաշինյանի արտգործնախարար Արարատ Միրզոյանի հետ։
Իսկ վաղ առավոտից Մարիա Բուրիչի այցին ընդառաջ՝ ԱԳՆ շենքի մոտ տեղի էր ունենում բողոքի ակցիա։ Իրավապաշտպաններ, հասարակական-քաղաքական գործիչներ, շարքային քաղաքացիներ՝ հայաստանյան  քաղբանտարկյալների ու Բաքվում պահվող հայ պատանդների, ռազմագերիների ու գերիների լուսանկարներով, պահանջում են ազատ արձակել նրանց։
Վաղ առավոտից հարյուրավոր ոստիկաններ էին պաշտպանում ԱԳՆ շենքը, թույլ չտալով ակցիայի մասնակիցներին շատ մոտ գնալ շենքին։ ԵԽ գլխավոր քարտուղարն ԱԳՆ շենք մտավ բողոքի ակցիայի մասնակիցների՝ «Freedom»,  «Ազատություն» վանկարկումների ներքո։
Մանրամասները՝ տեսանյութում: Լուսանկարները՝ Armlur.am կայքից, այլ աղբյուրներից
Աղբյուրներ՝ 168.am
Armlur.am