«Այն, ինչ ուզում է անել այս իշխանությունը, սխալ է և անթույլատրելի՛». Լևոն Քոչարյան

8 Ապրիլ, 2024 11:07

Դիտել նաև

Լևոն Արոնյանը հաղթել է Մագնուս Կարլսենին ու դարձել Ֆիշերի արագ շախմատի մրցաշարի հաղթող Հրապարակում ես սեփական թերթիցդ հոդված ու սա որպես բանակցային փաստաթուղթ ես ներկայացնում․ Լևոն Քոչարյան Ով է դեռ «չզտված» ցուցակում Անդրանիկ Քոչարյանի առաջադրվելու երաշխավորը Անդրանիկ Քոչարյանին երաշխավորել է Հայկ Կոնջորյանը Տավուշի մարզում ավտոբուսը հայտնվել է անտառում․ կա 11 վիրավոր

Խորհրդարանի «Հայաստան» խմբակցության պատգամավորները, խմբակցության ղեկավար Սեյրան Օհանյանի գլխավորությամբ, այցելել են Տավուշի մարզի Նոյեմբերյանի շրջանի մի շարք բնակավայրեր: Պատգամավոր Լևոն Քոչարյանը իրենց այցի վերաբերյալ գրառում է արել իր ֆեյսբուքյան էջում և զետեղել մի շարք լուսանկարներ ու կարճ տեսանյութեր: Լևոն Քոչարյանը գրել է. «Երեկ այցելեցինք Տավուշի մարզի Կիրանց, Ոսկեպար, Բաղանիս գյուղերը: Այստեղ ապրում են մարդիկ, ովքեր սերունդներ ի վեր կապված են այդ հող ու ջրի հետ և հիմա չգիտեն, թե ինչ է լինելու իրենց վաղվա օրը:

Այն, ինչ ուզում է անել այս իշխանությունը, իսկապես սխալ է և անթույլատրելի՛»:

Արդեն մեկնաբանությունների դաշտում Լևոն Քոչարյանը նաև հավելել է. «Հակազդեցություն և դիմադրություն պետք է ձևավորել միաժամանակ երեք հարթության՝ տավուշյան, համահայաստանյան և համահայկական մակարդակների վրա:

Վերը նշված բոլոր ուղղություններով աշխատանքներն ընթացքի մեջ են:

Դրանցից մի քանիսը, որոնք պլանավորել ենք առաջիկա օրերին.

-Ազգային ժողովում հրատապ օրակարգով նիստ, հայտարարության նախագծի ներկայացում,

-Ազգային ժողովում խորհրդարանական լսումներ,

-աշխատանք միջազգային հարթակներում,

-մարզային հանդիպումների շարք,

- անվտանգության հարցերով մասնագիտական քննարկումների, ֆորումների կազմակերպում,

- համահայկական մասշտաբով իրազեկման եւ զորակցական ակցիաների իրականացում։

Մենք այս բոլոր մակարդակներում համատեղ ուժերով պետք է ձևավորենք իրական հակազդեցություն և համազգային դիմադրություն, որն ի զորու կլինի կոտրել չդադարող զիջումների շղթան և բեկել մեր ընթացքը»։