«Փոստ»՝ «Հայփոստ»-ի բաժանսունքում. կին աշխատակիցները հարձակվել են դիմակավորված ավազակի վրա, նա փախուստի է դիմել

Այսօր՝ ապրիլի 3-ին, դիմակավորված ու զինված ավազակային հարձակում է տեղի ունեցել Երևանում: Ժամը 09:05-ի սահմաններում անհայտ անձը մտել է Արտաշիսյան փողոցում՜ Բագրատունյաց 7 հասցում գործող «ՀայՓոստ»-ի «0039» փոստային բաժանմունք, և զենքը պահելով աշխատակիցների վրա, պահանջել է այնտեղ գտնվող ամբողջ գումարը: Հարձակվողը չի կարողացել իր նպատակին հասնել, դիմադրության է արժանացել «ՀայՓոստ»-ի աշխատակիցների կողմից, որոնք բոլորը կանայք են եղել:

Ինչպես հայտնում է shamshyan.com-ը՝ հղում անելով ոստիկանությանը ատրճանակով զինված անձը եղել է բժշկական դիմակով և զենքը ձեռքին թափահարելով պահանջել է գումարը լցնել իր կողմից աշխատակիցների մոտ նետված պոլիէթիլենային տոպրակի մեջ, սակայն կանայք չեն կատարել հարձակվողի պահանջը, ինչից հետո վերջինը դիմել է փախուստի:

Դեպքի փաստով ավազակային հարձակման փորձի հատկանիշներով նախաձեռնվել է քրեական վարույթ:

Աղբյուրի տեղեկություններով՝ ոստիկանության Երևան քաղաքի վաչության քրեական հետախուզության բաժնի ծառայողներն արդեն պարզել են ենթադրյալ հանցագործի ինքնությունը, սակայն նախաքննության շահերից ելնելով որոշ մանրամասներ այս պահին չեն հրապարակվում: