Նիկոլ Փաշինյանը գրեթե խոստովանել է, որ երբեք ու ոչ մի գնով ինքնակամ չի թողնի վարչապետի աթոռը
Նիկոլ Փաշինյանը գործնականում հայտարարել է, որ երբեք ու ոչ մի գնով, ինքնակամ չի թողնի վարչապետի աթոռը: Մի խոսքով՝ ինչ ուզում եք՝ արեք, Փաշինյանը մտադիր է մինչև վերջ կառչած մնալ վարչապետի աթոռին: Նրա տոնայնությունից զգացվում է, որ նա ավելի շուտ կհամաձայնի կործանել Հայաստանը, նա ավելի շուտ կհամաձայնի հարյուր հազարավոր հայերի՝ կանանց ու երեխաների կոտորածի մատնել (մինչև այժմ գործած ավերներն ու հեղած արյունը նրան երևի քիչ են թվում), քան թողնել վարչապետի պաշտոնն ու ավարտել իր ու իր քպ-ի աղետաբեր իշխանությունը:
Ինչպես հաղորդում է News.am-ը, «Տիկտոկ»-ի իր էջում հրապարակված տեսանյութում Փաշինյանը նման բան է ասել իր կուսակիցների հետ հանդիպումներից մեկում, թե՝ ինքն իրեն համար ռազմավարական որոշում է կայացրել, որ ինքը չի հանձնվելու եւ այդ առումով դա ամենակարեւոր բանն է իր համար:
«Հակառակ դեպքում այսօր այստեղ գալը, գնալը, շարունակելը, խոսելը, վիճելը, այնուամենայնիվ արձանագրենք, որ բոլորս նույն ձեւի մարդ ենք, ես ոչ մի ուրիշ տեղից չեմ եկել, ձեր միջավայրում ծնվել, ձեւավորվել եւ մեծացել եմ, բայց հասկանալի է չէ, որ այս ամեն ինչը, ինչ որ տեեղի է ունենում եւ հոգեբանորեն եւ մարդկայնորեն եւ բարոյական առումով եւ քաղաքական առումով շատ ծանր է: Ընդ որում, ես ինքս ինձ համար էլ եմ այդ հաշվարկը անում, ես ասել եմ, որ պետք է նայել այն տարբերակը, որ կարող է երկրի շահից բխում է, որ ես կամ մենք հանձնվենք, թողենք այս ճանապարհը: Դա էլ է պետք դիտարկել, բայց իմ բոլոր վերլուծությունները ցույց են տալիս, որ ոչ այ դա կլինի իսկական դավաճանություն»,-ասել է նա:
Հետևեք մեզ Facebook-ում