Փաշինյանի ենթակաները ասել են, թե Նարեկ Սամսոնյանին մի 5-6 հոգով բռնել են... խուլիգանության հոդվածով

Փաշինյանի ենթակաները, ի դեմս նրա ՔԿ-ի, որոշ մանրամասնություններ են ներկայացրել այսօր Նարեկ Սամսոնյանի վրա ոստիկանական համազգեստով դիմակավորված անձանց վայրենի հարձակման շարժառիթների մասին: 
Ըստ Փաշինյանի իշխանության ներկայացուցչի՝ «Ն․ Ս․-ն ձերբակալվել է ՀՀ քննչական կոմիտեում ՀՀ քրեական օրենսգրքի 297-րդ հոդվածի 2-րդ մասի 1-ին և 3-րդ կետերի հատկանիշներով քննվող քրեական վարույթի շրջանակներում։ Ավելի ուշ ՀՀ քննչական կոմիտեն հանդես կգա հաղորդագրությամբ»։
Քրեական օրենսգրքի այդ հոդվածը վերաբերում է խուլիգանությանը, «որը կատարվել է մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով»:
Ավելի վաղ փաստաբան Ռուբեն Մելիքյանն էր գրել ֆեյսբուքում, որ «քիչ առաջ շատ կոշտ ձևով ձերբակալել են «Քաղաքացիական գիտակցություն» ՀԿ-ի նախագահ Նարեկ Սամսոնյանին»: Ավելի ուշ փաստափանը նաև լայվ ձևաչափով անդրադարձել է եղելությանը՝
https://www.facebook.com/watch/live/?ref=watch_permalink&v=767163111807719
Ռուբեն Մելիքյանը նշում է նաև, որ Նարեկ Սամսոյանին վերագրվող «հանցակազմը» «Իմենիմի» հաղորդաման ընթացքում նրա արած արտահայտություններին է կապված: Այսինքն, նրա նկատմամբ հետապնդումը ւարելի է ասել, որ գործնականում խոսքի ազատության դեմ բռնաճնշում է: 
ԱԺ նախկին պատգամավոր, քաղաքական գործիչ Նաիրա Զոհրաբյանը ևս գրառում էր արել. «Քիչ առաջ դիմակավորված ոստիկաններն ու քաղաքացիական հագուստով անձինք գազանաբար հարձակվել են Նարեկ Սամսոնյանի վրա ու տարել. այս պահին հայտնի չէ, թե ուր են տարել Նարեկին»: Նա նաև զետեղել է տեսակադրեր, թե ինչպես են փաշինյանականները դիմակավորված հարձակվում Նարեկ Սամսոնյանի վրա: 
https://www.facebook.com/watch/?v=793331056012073