Օգոստոսի 1-ից «Զանգեզուրի միջանցքը» Հայաստանում բացվելու է. Հայկ Նահապետյան (տեսանյութ)

Ռազմական փորձագետ Հայկ Նահապետյանը «5-րդ ալիքի» «Օրագիր» ծրագրին տված հարցազրույցում նշել է, որ ճիշտ պաշտպանության կազմակերպման դեպքում Տավուշում հնարավոր է մարտական խնդիր լուծել:
Հարցազրույցի հիմնական թեզերը.
Գյուղերի հանձնումով Տավուշում թշնամին սեպի նման երկու ուղղությամբ խրվելու է, խախտվելու է մեր 1-ին պաշտպանական բնագիծը եւ մի շարք մարտական հենակետեր, ու գյուղերը հայտնվելու են ուղղակի շրջափակման մեջ, խոցելի է դառնալու Հայաստան մտնող գազատարը եւ դեպի Վրաստան ճանապարհը:
Փաշինյանը օրենքից դուրս է, նա Ադրբեջանին հրավիրում է հարձակվել Տավուշի վրա, Հայաստանում մարդիկ կան, որոնք Ալիեւին ծնկի են բերել ավելի ծանր պայմաններում:
Տավուշում հիմա թեստավորում է արվում, ստուգում են հանրության ու քաղաքական ուժերի դիմադրողականությունը՝ Սյունիքում առաջիկա գործողություններին ընդառաջ:
Գլխավոր խնդիրը բրիտանաթուրքական Թուրան պրոյեկտը կյանքի կոչելն է, օգոստոսի 1-ից «Զանգեզուրի միջանցքը» Հայաստանում բացվելու է:
Մենք կիսելու ենք Ուկրաինայի ճակատագիրը, եթե Հայաստանում պրոցեսներ չլինեն, ու Փաշինյանը քաղաքական աղբանոցը չնետվի:
Փաշինյան-Բլինքեն-Ֆոն դեր Լայեն եռակողմ հանդիպմանը Փաշինյանը կստանա հանձնարարականների հերթական փաթեթը՝ ինչպես հանձնել:
Հարավկովկասյան 3 հանրապետությունները, ինչպես նաեւ Ուկրաինան, մանրադրամ են Արեւմուտքի համար՝ մեզ դնում են զոհասեղանին:
ԵՄ քաղաքացիական դիտորդական կառավարությունը հարյուր տոկոսանոց անձեռնմխելիություն ստացավ Հայաստանում, նրանք ՆԱՏՕ-ի անդամ երկրների հետախուզական ծառայությունների աշխատողներն են: