Շնաձուկը հարձակվել է զբոսաշրջիկների վրա. կա մեկ զոհ

Ամերիկուհին մահացել է Կոկոս անմարդաբնակ կղզում, Խաղաղ օվկիանոսում, շնաձկան հարձակումից, հաղորդում է РИА Новости-ն` հղում անելով Sky News-ին: 

Զբոսաշրջիկների խումբը կղզուց ոչ հեռու զբաղվելիս  է եղել դայվինգով, երբ շնաձուկը հարձակվել է նրանց վրա: Ամերիկուհուն ջրից դուրս են բերել և ցուցաբերել առաջին օգնություն, սակայն ստացած վերքերի պատճառով նա մահացել է: 

Վնասվածքներ են ստացել նաև այլ մարդիկ, այդ թվում ղեկավարը, որի վիճակը բժիշկները գնահատում են կայուն ծանր: 

Նա պատմել է, որ շնաձուկը հարձակվել է այն պահին, երբ նրանք խորասուզվելուց հետո բարձրանալիս են եղել դեպի ջրի մակերես:

Կոստա - Ռիկայի Շրջակա միջավայրի պահպանման նախարարությունը հաղորդել է, որ ողբերգությունը պատահել է Խաղաղ օվկիանոսում, ափից 530 կմ հեռու: Հարձակվողը եղել է վագրանման շնաձուկը, որը խիստ վտանգավոր է մարդու համար, այն մոտ 4,6 մետր է, կշռում է մոտ 800 կգ: Այն երկրագնդի վրա տարածված տեսակ է, հանդիպում է ավելի շատ տրոպիկական ջրային տարածքներում, շատ հաճախ է հանդիպում Խաղաղ օվկիանոսի կենտրոնական հատվածներում, Ճապոնիայի ափերից մինչև Նոր Զելանդիա:

Zham.am