Դա կնշանակի Տավուշի պաշտպանական գծի փլուզում. Վիտալի Մանգասարյան (տեսանյութ)

«5-րդ ալիքի» «Օրագիր» ծրագրին տված հարցազրույցում «Հենակետ» վերլուծական կենտրոնի ղեկավար Վիտալի մանգասարյանը նշել է, որ Տավուշի բնագիծը մեր ամենապաշտպանված հատվածն է, այդ գյուղերի զիջումը կնշանակի այդ պաշտպանական գծի փլուզում՝ սկսած գերիշխող դիրքի առավելությունից մինչեւ բարոյահոգեբանական վիճակ:
Հարցազրույցի հիմնական թեզերը.
Ադրբեջանը պատրաստվում է հաջորդ լայնածավալ գործողություններին:
Ոտքի վրա Էջմիածնի չափ տարածք ենք կորցնում, Փաշինյանի՝ թվերը կլորացնելով:
Ադրբեջանը վերահսկողություն է ունենալու մեր ռազմավարական նշանակության ճանապարհների վրա:
Այսպես կոչված փախստականների վերադարձի հարցը Ադրբեջանի համար ռազմավարական հարց է:
Կա՞ էլի մի երկիր, որի ղեկավարը պաշտպանության նախարարի հետ օպերատիվ կապը պահում է WhatsApp-ով:
Պատերազմ է, փոխանակ ԱԽ նիստ լինի, ՔՊ նիստ են անում:
Անլրջության գագաթնակետն էր ՔՊ-ական Վիլեն Գաբրիելյանի գրառումը, թե Փաշինյանը իրեն է խնդրել ինֆորմացիա ճշտել, քանի որ նա ծառայել է 2-րդ բանակային կորպուսում, ի դեպ՝ բուժկետում:
Այս մարդիկ ի վիճակի չեն կառավարել, այս իշխանությունը գոնե պետք է հասկանա, թե ինչ որոշումներ չի կարելի կայացնել, դա էլ չեն հասկանում: