Փաշինյանն ու Ալեն Սիմոնյանն Արամ Սարգսյանի համար 8 անգամ հայտարարել են, բայց էլի չի հավատում (տեսանյութ)

«Իշխանությունը Վազգեն Սարգսյանի ազատագրած Արցախն ասում է՝ Ադրբեջան է և վերջ, դուք այս իրողության հետ հա՞շտ եք»,-Եռաբլուր այցելած Արամ Սարգսյանին՝ Վազգեն Սարգսյանի եղբորը, հարցրեց լրագրողը։

Արամ Սարգսյանը պատասխանեց․ «Ես չեմ կիսում Ձեր տեսակետը»։

Լրագրողն արձագանքեց․ «Դա իմ տեսակետը չէ, դա իշխանության տեսակետն է։ Ասում են՝ Արցախն Ադրբեջան է և վերջ։ Դուք այդ մտքի հետ հա՞շտ եք»։

«Դա ձեր տեսակետն է, դուք ստում եք»,-պատասխանեց Արամ Սարգսյանը։

Հիշեցնենք, որ 22․05․2023թ․ մամուլի ասուլիսում Նիկոլ Փաշինյանը լրագրողների հարցին ի պատասխան ասաց․ «Հայաստանի Հանրապետությունը, այո՛, ճանաչում է Ադրբեջանի 86,600 քառակուսի կիլոմետր տարածքային ամբողջականությունը։ Դա ներառում է նաև Լեռնային Ղարաբաղը»։

Ամիսներ անց՝ 28․11․2023թ․, ԱԺ նախագահ Ալեն Սիմոնյանը լրագրողների հետ ճեպազրույցում նյարդայնացավ, որ նույն հարցն անընդհատ տրվում է և պատասխանեց․ «ՀՀ-ն լիակատար ճանաչում է Ադրբեջանի տարածքային ամբողջականությունը, լեռնային Ղարաբաղը՝ մեջը․ սա արդեն մի ութ անգամ ասել ենք վերջին մի տարվա ընթացքում»։

Հիշեցնենք, որ այսօր՝ մարտի 5-ը, Վազգեն Սարգսյանի ծննդյան օրն է, ինչի կապակցությամ էր Արամ Սարգսյանն այցելել Եռաբլուր։

Աղբյուրը՝ yerevan.today