Փաշինյանը կապում է սեփական ձեռքերն ու մորեմերկ կանգնում ցլերի առաջ. Գեղամ Մանուկյան (տեսանյութ)
«5-րդ ալիքի» «Օրագիր» ծրագրին տված հարցազրույցում խորհրդարանի «Հայաստան» խմբակցության պատգամավոր Գեղամ Մանուկյանն անդրադարձել Փաշինյանի ԱԳ նախարար Միրզոյանի բեռլինյան բանակցություններին վերաբերող հարցերին:
Հարցազրույցի հիմնական թեզերը.
Ռուբինյան-Քըլըչ երկխոսության փուչիկներից ու ծաղիկներից հետո Թուրքիան ամբողջությամբ փոխել է կեցվածքը:
Եվրոպական եւ ամերիկյան շրջանակներից Անթալիայի դիվանագիտական ֆորումին գրեթե մասնակցություն չկա:
Նոր Տարվա զանգերի հետ Փաշինյանը պատրաստվում էր Ադրբեջանի հետ փաստաթուղթ ստորագրել, բայց իրականությունն այլ է :
Վտանգավոր եւս մեկ դետալ է ավելանում հայ-ադրբեջանական բանակցություններին:
Արարատ Մկիրզոյանի հետ միասին Բայրամովի հետ բանակցություններին մասնակցում էր ՄԻԵԴ-ում ՀՀ ներկայացուցիչ Եղիշե Կիրակոսյանը, իսկ ԱԺ Նախագահ Ալեն Սիմոնյանը չբացառեց, որ Հայաստանը Ադրբեջանի դեմ հայցերը կարող է հետ վերցնել:
Եվրոպացիները շատ լավ գիտեն, որ իրենց սպառած գազի զգալի մասը ռուսական է, որն իրենց է հասնում Ադրբեջանով:
Ինքնիշխանության մասին խոսողը Ռուսաստանի դրոշներն էր տնկում սահմանով մեկ: ՀԱՊԿ-ից դուրս գալը բացատրելի կլիներ, եթե պարզ լիներ, թե ինչ անվտանգային համակարգի մեջ ես մտնում:
Փաշինյանը ոչ միայն տատի գործած կարմիր շապիկն է հանում, այլեւ կապում է սեփական ձեռքերը եւ մորեմերկ կանգնում ցլերի առաջ:
Ներքին Հանդում ստեղծված վիճակը այս իշխանության հանցավոր անգործության հետեւանքն է:
Ամիսներով ԵՄ դիտորդները այստեղ են, նոր են նախագիծ բերել, կարդում ես, չես հասկանում՝ սահմանին կանգենլու համար են, թե ընտրությունները վերահսկելու:
Ամբողջ ՀՀ սահմանների երկայնքով անորոշություն է:
Մանրամասն՝ տեսանյութում:
Հետևեք մեզ Facebook-ում