«Նիկոլ Փաշինյանն անոնս է արել, որ Հայաստանը տանելու է դժոխքի մեջով». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը.

«Նիկոլ Փաշինյանը խոստովանեց, որ 2020 թվականի պատերազմից ավելի քան 3 տարի անց խաղաղության գործընթացը ձախողված է Մյունեխենում հայ համայնքի հետ հանդիպման ժամանակ Նիկոլ Փաշինյանը հայտարարել է․

«Եթե այն պայմանավորվածությունները, որոնք ձեռք են բերվել, պահվեն, դրանք կնպաստեն սահմանային լարվածության նվազեցմանը»։ Այստեղ առանցքային բառը «եթե»-ն է, ոչ մի երաշխիք, երաշխավոր չկա, որ այդ պայմանավորվածությունները Իլհամ Ալիևի կողմից կպահվեն, քանզի Իլհամը բռնել է Նիկոլի վախը, անընդհատ նոր զիջումներ է պահանջում ու ստանում, նրան հարկավոր չէ այդ պայմանավորվածությունները պահելը։ Ն․ Փաշինյանը նաև հայտարարել է, որ խաղաղության պայմանագրի մի շարք հոդվածներ համաձայնեցված են, բաց մի շարք հոդվածներով, որոնք սկզբունքային նշանակություն ունեն, դեռևս համաձայնություն չկա։ 2020 թվականի պատերազմի ավարտից, 2020թ, նոյեմբերի 9-ի կապիտուլյացիայից ավելի քան 3 տարի անց, 2022թ․ հոկտեմբերի 6-ին Պրահայում Արցախը Ադրբեջանի մաս ճանաչելուց մոտ մեկուկես տարի հետո Նիկոլ Փաշինյանը խոստովանեց, որ խաղաղության գործընթացը ձախողվել է:

Ձախողված ղեկավարները հրաժարական են տալիս, սակայն դա Նիկոլ Փաշինյանին չի վերաբերում, նա անոնս է արել, որ Հայաստանը տանելու է դժոխքի մեջով, հասկացեք՝ դժոխք»: