Փաշինյանի ԱԳՆ-ն Ադրբեջանին առաջարկում է արագացնել սահմանազատման գործընթացը

Փաշինյանի ԱԳՆ մամուլի խոսնակն արձագանքել է Փաշինյանի ելույթի վերաբերյալ Ադրբեջանի ԱԳՆ-ի հայտարարությանը՝ նշելով․ «Փաշինյանի՝ Կառավարության փետրվարի 15-ի նիստում ունեցած ելույթի վերաբերյալ Ադրբեջանի ԱԳ նախարարությունը հանդես է եկել մեկնաբանությամբ, ինչի կապակցությամբ հարկ ենք համարում հիշեցնել, որ 2022թ. հոկտեմբերի 6-ին Պրահայում Ադրբեջանը և Հայաստանը գրավոր կերպով պայմանավորվել են, որ 1991թ. Ալմա-Աթայի հռչակագրի հիման վրա ճանաչում են միմյանց տարածքային ամբողջականությունն ու ինքնիշխանությունը և որ Ալմա-Աթայի հռչակագիրը սահմանագծման գործընթացի քաղաքական հիմք է լինելու: Ադրբեջանին առաջարկում ենք այս պայմանավորվածության հիման վրա արագացնել սահմանազատման գործընթացը և վերահաստատում ենք Հայաստանի Հանրապետության պատրաստակամությունը»:
Նշենք, որ Ալիևի ԱԳ նախարարությունը հայտարարություն էր տարածել՝ արձագանքելով Փաշինյանի հայտարարություններին։ «Անկլավներ և էքսկլավներ հանդիսացող գյուղերի վերաբերյալ» Հայաստանի վարչապետի հայտարարությունը, թե Ադրբեջանը օկուպացված է պահում 31 գյուղեր, քաղաքական մանիպուլյացիայի մաս է։ Ցանկանում ենք հիշեցնել Հայաստանի վարչապետին, ով իր նախորդ հայտարարություններում ասում էր, որ այդպիսի գյուղերը 32-ն են՝ այն մասին, որ Հայաստանը պարտավորվել է Ադրբեջանին վերադարձնել 8 գյուղեր»»,- ասված էր ադրբեջանական կողմի հայտարարությունում։
Հատկանշական է ադրբեջանական կողմի պնդումը, որ իրենց սիրելի Փաշինյանը պարտավորվել է 8 գյուղ նվիրել Ալիևին: Երևի այդ գյուղերը նրա կինոջ օժիտի մեջ են եղել, ինքն էլ, ինչպես ադրբեջանական ԱԳՆ-ն է պնդում, պարտավորվել է դրանք հանձնել: