Գերշահույթների «կտերով» մի՛ գայթակղվեք... իսկ 2018-ին նման զգուշացումներ չեղան

Ներքին գործերի նախարարությունը զգուշացնում է․ «Ինտերնետային տարբեր կայքերում բազմաթիվ են տարատեսակ հայտարարությունները, որով քաղաքացիներին առաջարկում են կատարել ներդրում և ստանալ գերշահույթ:
Այդպիսի կայքերի վերաբերյալ տեղեկությունները ակտիվորեն գովազդվում են հատկապես Ֆեյսբուք սոցիալական կայքում և տելեգրամյան հարթակում:
Արդյո՞ք պետք է վստահել բոլոր այդ հայտարարություններին:
Իհարկե, ո՛չ։
Այդպիսի կայքերում լրացնելով ձեր հեռախոսահամարը, ձեզ հետ բավական արագ հայկական կամ արտասահմանյան հեռախոսահամարով կապ կհաստատեն զեղծարարների զանգերի կենտրոնից, կառաջարկեն գումարային ներդրում կատարել կրիպտոարժույթի կամ այլ ոլորտում, կվստահեցնեն, որ իրենք ձեզ համար կապահովեն գերշահույթ։
Մի՛ շտապեք կատարել ներդրումներ, ստացե՛ք խորհրդատվություն` զանգահարելով
011 52 52 52՝ ՆԳՆ ինտերնետային խարդախություններով թեժ գծի հեռախոսահամարին (թեժ գիծը գործելու է աշխատանքային օրերին՝ ժամը 09։00-ից 18։00-ն)։
Պարզապես հիշե՛ք, տրվելով գրավիչ առաջարկություններին՝ մեծ է հավանակությունը, որ կկրեք գումարային մեծ կորուստներ»:
Մեր կողմից նկատենք, որ իհարկե, կարևոր է մարդկանց հիշյալ խարդախությունների մասին զգուշացնելը, որպեսզի թակարդը չընկնեն: Բայց որքան ճիշտ կլիներ, 2018-ի ապրիլին էլ, օրնիբուն, ձայն վերարտադրող բոլոր հնարավոր միջոցներով տարածել նման զգուշացումներ, օրինակ, որ «...Նիկոլ Փաշինյանի ետևից մի գնացեք, ձեզ էլ, երկիրն էլ հանելու է կործանման» Հատուկենտ ասողներ կային, որոնց գերադասեցին չլսել: