Փաշինյանը քրոնիկ լուզեր է, քրոնիկ կորցնող. Արամ Մանուկյան (տեսանյութ)

«5-րդ ալիքի» «Օրագիր» ծրագրին տված հարցազրույցում ՀԱԿ փոխնախագահ Արամ Մանուկյանը նշել է. «Անկախության հռչակագիրը օդից չեկավ, դա քաղաքական լուրջ փաստաթուղթ է՝ յուրահատուկ պետական ակտ, պետության ծննդական, մենք գիտեինք, որ ստեղծվում է փաստաթուղթ՝ դարերի համար, եթե կտրենք այդ թելը, հետո կպցնելն անհնար է լինելու»: 
Հարցազրույցի հիմնական թեզերը. 
Փաշինյանը քրոնիկ լուզեր է, քրոնիկ կորցնող, նա հասարակությանը ուզում է իջեցնել իր մակարդակի, եթե Հայաստանում կա փոխելու մի բան, դա Նիկոլ Փաշինյանն է, նրա օրոք ենք մենք դարձել լուզեր:
Փաշինյանը կոնֆլիկտոգեն է, եթե աշխարհում Նիկոլը մենակ մնա, կիսվելու է երկու մասի՝ սեւ ու սպիտակի:
Արժանապատիվ իշխանությունը չի կարող գնալ խաղաղության պայմանագրի, եթե Բաքվում ունի Ղարաբաղի քաղաքական ղեկավարությանը, որը ընտրված է ժողովրդի կողմից, դա կարող է լինել միայն ղազագիր:
Փաշինյանը քաղաքականապես ձախողված ղեկավար է, նա գնաց հակառուսական պրոյեկտի իրականացման, Հայաստանը եւ Ադրբեջանը հակառուսական դիրքավորում վերցրեցին, Ադրբեջանը շահեց, Փաշինյանը՝ մնաց ձեռնունայն:
4-րդ Հանրապետություն ասվածը մոլագարություն է, նոր հանրապետություն կարող է լինել միայն այն դեպքում, երբ հինը ոչնչանում է:
Ճանապարհը անասելի ծանր է եղել, բայց մենք անցել ենք այն, փա՛ռք այս ժողովրդին, փա՛ռք այն 6 հազար էրեխեքին, որոնք Ղարաբաղ են ազատագրել:
Անկախության ակունքում կանգնած էր ամբողջ մտավորականությունը, մեր հոգեւոր դասը եւ քաղաքական դասը, այսօր փորձում են եկեղեցու դերն էլ նսեմացնել, Սփյուռքը շպրտել եսիմ ուր... Ովքե՞ր են այս թերուսները , որ ձեռնոց են նետում այդ արժեքներին
Այսօր ես մեղադրում եմ մտավորականությանը, նա տեսնում է, որ իշխանությունը ոճիր է գործում ու ձայն չի հանում, այդ հանրաքվեն չպետք է կայանա, ամեն ինչ պետք է անել, որ հայը չկանգնի այդ այլընտրանքի առաջ:
Եթե նախկինում միայն Փաշինյանն էր բլթոցներ անում, մյուսները փորձում էին մաքրել, հիմա ֆրոնտալ են հարձակվում :
Տասնյակ ու հարյուրավոր փաստաթղթեր կան, որտեղ հայր Ալիեւը հաշվի է նստել Հայաստանի Հանրապետության եւ Լեռնային Ղարաբաղի ներկայացուցիչների հետ, Հեյդար Ալիեւը ԼՂ Հանրապետության հետ բանակցությունների հրամանագիր է ստորագրել: