Ս. Լավրով. «Ղրիմի հարցը վերջնականապես փակված Է»
Ռուսաստանի Դաշնության կազմ Ղրիմի մտնելու հարցը վերջնականապես փակված Է:
Ինչպես տեղեկացնում է ՏԱՍՍ-ը, նման հայտարարությամբ է հանդես եկել ՌԴ-ի արտաքին գործերի նախարար Սերգեյ Լավորվը նոյեմբերի 30-ին «Libero» իտալական թերթում հրապարակված հարցազրույցում:
«Թեման մեկընդմիշտ փակված Է»,- ասաց Լավրովը՝ պատասխանելով այն հարցին, թե արդյոք Ղրիմը միշտ Է մնալու Ռուսաստանի կազմում:
«Հիշեցնեմ, որ խոսքը վերաբերում Է Ղրիմի բնակիչների ազատ, ժողովրդավարական կամաարտահայտությանը, որոնք գիտակցված ընտրություն են կատարել հօգուտ խաղաղության ու բարգավաճման», - ասաց ՌԴ-ի արտաքին գործերի նախարարը՝ հավելելով, որ ինքնորոշման իրավունքի նման դրսևորումը միակ հնարավոր ճանապարհն էր ժողովրդի կենսական շահերը պաշտպանելու համար այն պայմաններում, երբ Ուկրաինայում իշխանության են եկել ազգային ծայրահեղական էլեմենտները :
Հետևեք մեզ Facebook-ում