Կիևում առևանգվածի հայ երիտասարդի հարազատները ոստիկանություն չեն դիմել

«Հայկական ժամանակ» օրաթերթը գրում է. 

Ուկրաինայի մայրաքաղաք Կիևում շուրջ մեկ շաբաթ առաջ առևանգված ՀՀ քաղաքացու հարազատները Հայաստանի ոստիկանություն չեն դիմել։ Այս մասին «Հայկական ժամանակ»-ի հետ զրույցում ասել է ՀՀ ոստիկանության լրատվության և հասարակայնության հետ կապերի վարչությունից։

Ուկրաինայում ՀՀ պատվավոր հյուպատոս Արմեն Ասլանյանն էլ թերթի հետ զրույցում ասել է որ դեպքի մասին գիտի, բայց տեղեկություն չունի՝ հայտնաբերվե՞լ է առևանգված երիտասարդը, թե՞ ոչ։ «Լսել եմ, իհարկե, լսել եմ»,- ասել է Ասլանյան՝ նշելով, որ մանրամասների չի տիրապետում, թե ինչ հանգամանքներում է ՀՀ քաղաքացին առևանգվել։ «Ինչպես արդեն գրվել էր ՀՀ մարզպետներից մեկի աներորդուն Ուկրաինայի մայրաքաղաք Կիևում առևանգել են, որի գտնվելու վայրի մասին նրա հարազատները տեղեկություն չունեն»:

Մանրամասները՝ օրաթերթի այսօրվա համարում