Փաշինյանի «խաղաղության» ճառերի նոր զոհերը. ադրբեջանական թուրքերը կրակում են Ներքին Հանդի դիրքերի ուղղությամբ

Այսօր, լուսադեմից սկսած, ադրբեջանական թուրքերի զինված ստորաբաժանումները կրակ են բացել Ներքին Հանդի դիրքերի ուղղությամբ: Սուրեն Պապիկյանի գլխավորած պաշտպանության նախարարությունը այս պահին պաշտոնապես հաղորդում է մեր կողմից երկու զոհի և վիրավորների մասին: Վիրավորների թիվը չի նշվում: 
ՊՆ ֆեյսբուքյան էջում զետեղված հաղորդագրության մեջ նշված է. «Ներքին Հանդի ուղղությամբ ադրբեջանական զինուժի կրակի հետևանքով հայկական կողմը, նախնական տվյալներով, ունի 2 զոհ և վիրավորներ: Պաշտպանության նախարարությունը հանդես կգա լրացուցիչ հաղորդագրությամբ»:
Ավելի վաղ տարածած նախնական հաղորդագրության մեջ էլ նշվում էր. «Փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ, ինչի հետևանքով, նախնական տվյալներով, հայկական կողմն ունի վիրավորներ»:
Մեր այս նոր զոհերի արյունը ուղղակիորեն Նիկոլ Փաշինյանի և նրա ՔՊ-ական՝ պարգևավճարված ու թիկնազորապատված, երջանիկ ու կուշտ, անվնաս ապրող «վերնախավաի» ձեռքերին են: Սա՛ է Ալիևի հետ սիլի-բիլի անելու, թշնամուն ականապատված դաշտերի քարտեզներ նվիրելու «պատասխանը»:
Zham.am