Իշխանությունը վախեցավ և օրակարգից հանեց ուղեվարձի թանկացման հարցը

Միասնական տոմսային համակարգի ներդրման հարցը դուրս է բերվել փետրվարի 13-ին նախատեսված ավագանու նիստի օրակարգից: Այս մասին Facebook-ի իր էջում գրել է փոխքաղաքապետ Սուրեն Գրիգորյանը:
Նա, մասնավորապես, նշել է. «Միասնական տոմսային համակարգի ներդրմանն ուղղված ավագանու որոշման նախագիծը բավականին լայն քննարկումների առարկա է դարձել։ 
Փաշինյանա-ավինյանական պաշտոնյան նաև գրել է, թե՝ կառուցողական քննադատությունը «լրավուցիչ քննարկման և նախագծի ստուգաբանման առիթ» է դարձել հենց քաղաքապետարանում և, դրանով պայմանավորված, ինքը խնդրել է քաղաքապետին, որ  հարցը հանի առաջիկա ավագանու նիստի օրակարգից՝ «նախագիծն ավելի համապարփակ քննարկելու և ավագանու քննարկմանը կրկին ներկայացնելու նպատակով»։
Այն, ինչ ասում է ավինյանական փոխքաղաքապեհը, մեղմ ասած՝ «կռուտիտ» է: 
Թե ինչ «կառուցողական քննադատություն է եղել» դա ինքը կիմանա, բայց որ հանրությունը շատ ջերմ արձագանքեց տրանսպորտի ուղեվարձը կտրուկ բարձրացնելու Փաշինյանի ու Ավինյանի ցանկությանը, փաստ է: 
Իշխանությունը վախեցավ և առայժմ օրակարգից հանեց թանկացման հարցը: Հասկանալի է, որ սա մարտավարական նահանջ է, և առաջին իսկ հնարավորության դեպքում նրանք նորից փորձելու են այդ «գրպանահատային» նախագիծը կամ դրա վերամշակած տարբերակը «սղղացնել»:  
Zham.am