ՀՀ-ն Արևմուտքին պետք չէ. Անդրեյ Կլիմով (տեսանյութ)

Դաշնային խորհրդի միջազգային հարաբերությունների հանձնաժողովի փոխնախագահ Անդրեյ Կլիմովը Alpha News-ին մեկնաբանել է Նիկոլ Փաշինյանի հայտարարությունը, թե Հայաստանը նախկինի պես չի կարող պաշտպանական ոլորտում համագործակցություն զարգացնել միայն Ռուսաստանի հետ։

«Ինձ համար դժվար է պատկերացնել, որ նման բաներ, այսպես ասած, առաջարկվում են Հայաստանի ղեկավարի կողմից՝ հայ ժողովրդի անունից։ Համենայնդեպս, երբ ասվում է, որ Հայաստանին ինչ-որ բան է պետք, ապա այստեղ ավելի շուտ ոչ թե Հայաստանին, այլ անձամբ Նիկոլ Փաշինյանին կամ նրան ուղեկցող խմբին, կամ նրանց, ովքեր հիմա մանիպուլացնում են նրան, նրանց, ում դա ձեռնտու է։ Բայց ես համոզված չեմ, որ դա ձեռնտու է հայ ժողովրդին, այլ հակառակը»,-ասել է Կլիմովը։

Սենատորի խոսքով՝ Արևմուտքը բոլորին դիտարկում է որպես գաղութներ։

«Արևմուտքը որևէ մեկին գործընկեր չի համարում։ Արևմուտքը բոլորին դիտարկում է որպես գաղութներ: Եթե Հայաստանը ցանկանում է գաղութ լինել, ապա դա այլ հարց է։ Սա նոր գաղութային կայսրություն է Վաշինգտոնի կենտրոնում։ Այստեղ պետք է որքան ուղիղ խոսել, այնքան լավ։ Հայաստանի հետ ուղիղ համագործակցության մասին խոսք լինել չի կարող այս հանրությունից։ Նրանց անհրաժեշտ է Կովկասում իրավիճակի ապակայունացում, որպեսզի լրացուցիչ լարվածություն առաջացնի Ռուսաստանի համար։ Հայաստանից նրանց ոչ մի այլ բան պետք չէ»,-եզրափակել է Կլիմովը։