Միակ հարցը Տիգրան Ավինյանի հրաժարականն է. «Ազգային առաջընթաց» կուսակցություն
Փաշինյանական վարչախումբը, տվյալ դեպքում՝ Երվանի քաղաքապետ դարձված Տիգրան Ավինյանի տարբերակով, ձգտում է տարատեսակ եղանակներով լռեցնել ընդդիմադիրներին: «Մայր Հայաստան» խմբակցության ու այն ներկայացնող ավագանու անդամների դեմ փաշինյանական ռեժիմի դրսևորումների մասին նշվել է, այսօր էլ «Մայր Հայաստան» շարժման առաջնորդ Անդրանիկ Թևանյանը անդրադարձավ այդ խնդրին:
Հավելենք, որ ռեժիմի նշված դրսևորումներին նախօրեին անդրադարձել էր նաև «Ազգային առաջընթաց» կուսակցությունը և հայտարարություն էր տարածել՝ արձագանքելով Երևանի Ավագանու նիստում սպասվող՝ Հայկ Մարությանի լիազորությունները վաղաժամ դադարեցնելու մասին որոշման քննարկմանը:
«Երևանի պսևդո քաղաքապետի որոշմամբ փետրվարի 5-ին ավագանու արտահերթ նիստ է գումարվելու, որի օրակարգային հարցն է Հայկ Մարությանի և ևս 4 ընդդիմադիր ավագանու անդամների լիազորությունների վաղաժամկետ դադարեցումը։
Միակ հարցը, որ մենք պատրաստ ենք արտահերթ քննարկել այս իշխանությունների հետ դա րոպե առաջ Տիգրան Ավինյանի հրաժարականն է։ Հերի՛ք է փորձեք ընդդիմադիրներին լռեցնել, չի՛ ստացվելու»,- ասվում է կուսակցության հաղորդագրության մեջ։
Ավելի վաղ նույնաբովանդակ հայտարարություն իր ֆեյսբուքյան էջի միջոցով տարածել էր «Ազգային առաջընթաց» խմբակցության անդամ Գրիգոր Երիցյանը:
Հետևեք մեզ Facebook-ում