Փաշինյանին ջերմորեն աջակցած «այ-թի»-շնիկները ընկան փաշինյանական «չաքուջի» տակ

«Հրապարակը» գրում է. «Մենք երեկ գրել էինք, որ էկոնոմիկայի նախարարությունում ձերբակալություններից հետո ձերբակալվել են նաեւ IT ամենահայտնի կազմակերպություններից մեկի` «Սիներջիի» մի խումբ աշխատակիցներ։ Այսօր տեղեկացանք, որ ընկերությունից 3 անձ է ձերբակալվել՝ երկու երիտասարդ կին, որոնք մանկահասակ երեխաներ ունեն եւ տնօրենը` Աշոտ Հովհաննիսյանը։
Կանանցից մեկը, հիշեցնենք, Ալեն Սիմոնյանի եղբոր կինն է՝ Անի Գեւորգյանը, ով ծրագրերի ղեկավար է աշխատել ընկերությունում երկար տարիներ եւ մեկ տարի առաջ դուրս է եկել աշխատանքից: Մոտ մեկուկես տարի առաջ «Սիներջին» փորձել է մասնակցել էկոնոմիկայի նախարարության հայտարարած տենդերներից մեկին, տենդերը չի կայացել, բայց մեղադրանքը այսօր վերաբերում է չկայացած տենդերին: Այդ տենդերի փաստաթղթերը պատրաստել է Անի Գեւորգյանը։ Այսօր առավոտյան «Սիներջիի» Լիլիթ անունով աշխատակցի նկատմամբ դատարանը տնային կալանքի որոշում է կայացրել, տնօրենի եւ Անի Գերոգյանի հետ կապված դեռ որոշում չկա։
Մեր տեղեկություններով, «Սիներջիի»  հիմնադիր տնօրեն Աշոտ Հովհաննսյանը երկքաղաքացի է՝ նաեւ ԱՄՆ քաղաքացիություն ունի։
Նա «Վիցե միսս Եվրոպա-2005» գեղեցկության մրցույթում հաղթած հաղորդավարուհի Լուսինե Թովմասյանի սկեսրայրն է։
Մեր կողմից հավելենք, որ զանազան «գրանտավորներից» ու կրոնական կազմակերպությունների ադեպտներից հետո, մեկ էլ այսպես ասած՝ IT-շնիկներն էին ջերմորեն ու բուռն աջակցում Նիկոլ Փաշինյանին: Ու բավականին արդար հանգամանք է թվում, որ հենց այդ ոլորտի ընկերություն է հայտնվել փաշինյանական «չաքուջի» տակ: