«Աշխատում» են՝ իրենց չխնայելով. ձյունն ի ցույց դրեց քաղաքային իշխանության իրական վիճակը

Ցուցադրաբար շքեղ պաշտոնամուտ կազմակերպող, դրա վրա ահռելի գումարներ ծախսող, տարբեր «կապակցումների» հետևանքով միայն Երևանում իշխանությունը պահած փաշինյանական թիմի ներկայացուցիչները շատ են սիրում տեսախցիկների առաջ շորորալ: 
Բայց Երևանում տեղաց այս տարվա առաջին ձյունը և ի ցույց դրեց քաղաքային իշխանության գործունեության իրական վիճակը: Մայրաքաղաքում տևական խցանումներն ինչ ասես՝ արժեին: 
Քաղաքացիներն իրենց դիտարկումներն ու դիտողությունները նաև սոցցանցերում են արտահայտել, բնականաբար: Օգտատեր Արեգ Բարսեղյանը ֆեյսբուքյան էջում զետեղել է նաև տեսանյութ ու լուսանկար, որտեղ պատկերված է, թե ինչպես են մայրաքաղաքի սանմաքրման ծառայության 2 աշխատակից ինչ-որ մեխանիկական գլորիկով փորձում մաքրել ձյունը կենտրոնական փողոցներից մեկի երթևեկելի մասից: Գրառման հեղինակը նկատել է. «Հրապարակի ամանորյա լուսավորության վրա մի քանի հարյուր հազար դուլար ծախսող Երևանի իշխանությունները փողոցները տեղացած ձնից մաքրում եմ ձեռքով։ 2024 թվականն էր, ձմեռ էր, ձյուն էր եկել...»:
Իսկ օգտատեր Քրիստինա Նազարյանը հավելել է. «Դե գնացեք CAR u NAXANCNER! Դե տեսեք ձեզ ոնց 10:0 արեցին:  Տեսեք իիի՜նչ նորագույն տեխնիկա ենք ստացել, Երևանի քաղաքապետարան մի՛ ասա, մի տեխնոպա՛րկ ասա:
Հ.գ կարող ա՞ սրանք ռոբոտ հայեր են...»: